先施
(由先施百貨跳轉過嚟)
先施（Sincere）係一間香港百貨公司，1900年成立。而家由先施有限公司（港交所：00244）持有。
香港 編輯
第一間先施百貨開喺中環皇后大道中172號。1917年搬咗去上環德輔道中173至179號，嗰時係一棟6層大樓，頂樓係先施樂園，係香港第一棟有𨋢嘅大樓。1973年改建為27層大樓，而總部就喺1995年3月13號搬去銅鑼灣禮頓道77號禮頓中心。
而家有四間分店。喺香港島有中環店。而九龍就有兩間，一間喺旺角，另一間喺深水埗。喺新界荃灣有一間。
先施百貨喺2012年同屈臣氏集團首次合作，喺油塘開設全港首間百貨同埋超市二合一全新概念店SU-PA-DE-PA。
中國大陸 編輯
先施喺中國大陸都開過分店。1930年代，佢喺上海嘅分店被稱為四大百貨公司之一。中華人民共和國成立後，先施喺中國大陸嘅分店都被充公。
