光復元朗反對黑勢力示威
光復元朗反對黑勢力示威，係2019年7月27號由香港民間人士發起嘅一次示威，主要係回應7月21號元朗發生嘅襲擊事件，反對黑社會勢力，但亦夾雜反逃犯條例修訂運動嘅訴求。
呢次示威本嚟係光復元朗反對黑勢力遊行，由元朗水邊村遊樂場行到西鐵元朗站，但警方發咗「反對通知書」。之後再有元朗居民申請發起元朗區內遊行，由西鐵元朗站行到朗屏站，一樣被警方反對。所以好多諗住參加遊行嘅民眾改用買老婆餅、參加宗教活動、「悼念」李鵬等理由入元朗「行街」，當中好多人都跟咗原先遊行路線行一次。
一如之前幾次反修例遊行，遊行完後激進示威者同警方出現對峙同爆發衝突。入夜後更有防暴警察衝入元朗站用警棍打示威者。
事後，遊行搞手鍾健平俾警方用「煽惑非法集結」罪名拉咗。
