內部一致度internal consistency)係指一個有多個指標嘅量度方法有幾「係量度緊同一樣嘢」。例如有一個智商測驗,有 50 條問題,理論上,呢啲問題冚唪唥都係量度緊智商,所以彼此之間理應喺得分上有返咁上下正相關,但研究發現,嗰 50 條問題當中有 5 條零舍係同其餘嗰啲問題有負相關,噉心理學家就好可能會要求攞走嗰 5 條問題(佢哋似乎唔係量度緊智商,所以唔應該擺喺一個智商測驗入面),變成一個 45 條問題嘅測驗。