八一零大埔示威

八一零大埔示威，係2019年8月10號由香港民間人士發起嘅一次反逃犯條例修訂示威。呢次示威本嚟係八一零大埔遊行，由大埔頭巴士總站行到大埔墟廣福道，但警方發咗「反對通知書」，主辦單位宣佈取消遊行。但係有大埔區街坊同區外民眾嗰日走入大埔「行街」，當中好多人大致跟咗原先遊行路線自發行一次，雖然期間有激進示威者整路障，但最終和平撤出大埔區，轉移到沙田、大圍同尖沙嘴等地佔領道路。