八國聯軍英國法國德國俄國美國日本意大利奧匈帝國喺1900年6月10號組成嘅以解救駐京使館人員名義侵入中國嘅聯合遠征軍[1]。呢支聯合遠征軍組成嘅原因係1899年義和團運動爆發,義和團以「扶清滅洋」為宗旨,喺慈禧太后默許下開始喺6月20號同清軍圍攻外國駐北京使館。其中,日本派出嘅軍人最多,總共有2.5萬人。

1900年義和團時期列强嘅軍隊,手上揸住嘅係海軍旗,由左至右分別係:(1900年意大利海軍軍旗) 意大利(1900年美國國旗) 美國(法國海軍軍旗) 法國(奧匈帝國1900年海軍軍旗) 奧匈帝國(日本海軍軍旗) 日本德意志帝國海軍軍旗 德國(英國白色軍旗) 英國(俄國海軍軍旗) 俄國
八國聯軍—天津之戰嘅日軍

1900年6月17號八國聯軍攻陷天津大沽炮台。6月21號慈禧太后以光緒帝載湉嘅名義向英國、美國、日本、俄國、法國、德國、意大利、奧匈帝國等11國宣戰。7月14號八國聯軍攻陷天津。8月15號八國聯軍攻陷清朝首都北京。八國聯軍唔單衹佔領咗北京,而且佔據咗天壇,佢哋將差唔多全部嘅陳設同祭器都攞走晒。八國聯軍重將司令部設喺嗰度,重喺圜丘壇上整支大炮,對住紫禁城。慈禧太后挾光緒帝出走,一直去到西安。

喺戰事期間,中國東南方各省違背中央政府嘅命令唔同外國開戰,史稱東南互保

1901年9月7號中國清朝政府被迫同埋英國、美國、日本、俄國、法國、德國、意大利、奧匈帝國等11國簽訂不平等條約《辛丑條約》,要繳交龐大賠款,中國完全淪為半殖民地半封建社會[2],並進一步加速清朝滅亡。

參考

  1. 劉淇昆 (2018-12-05). "震驚了 被中共歪曲最嚴重的「八國聯軍」真相(圖) - 劉淇昆 - 談古論今". 看中國 (中文). 喺2021-10-17搵到.
  2. 郑天挺,吴泽,杨志玖 (2007-08-01). 中国历史大辞典·上卷. 上海辞书出版社. ISBN 978-7-532-62274-0.CS1 maint: multiple names: 作者名單 (link)

睇埋

  • 八國聯軍乃正義之師》,一本喺2021年推出嘅書,觀點同而家中國官方將八國聯軍視作入侵中國嘅勢力相反