公共專業聯盟
香港政治組織
公共專業聯盟（英文：The Professional Commons，簡稱公專聯），係一個香港泛民主派嘅非牟利獨立組織。喺2007年3月25號成立。
組織緣起於2007年香港特首選舉，公民黨黨魁梁家傑參選令選舉廣受關注，選舉結束後，好多泛民主派選委同埋其他專業人士，決定以此為基礎，成立公共專業聯盟[1]。早期公共專業聯盟成員唔少亦係公民黨成員。
雖然有唔少泛民主派政治人參加，佢哋經常發表政策研究報告同進行研討會嘅做法，立場亦相對比其他泛民主派背景嘅社運團體溫和，較多時候被視為一個智庫組織[1]。
2013年3月21號，公共專業聯盟聯同其他民主派政黨同團體成立真普選聯盟。公共專業聯盟嘅作用係協調同埋統合專業力量，當時希望喺建制派佔絕對優勢嘅功能界別中增加議席。