公司三文治

公司三文治（英文：club sandwich）係用煎蛋、火腿、蔬菜、芝士、煙肉同番茄等各式食材製作而成。有時會製成雙層形式，切成四等份，用牙簽拮好。

公司三文治

傳統嘅製法係用火雞肉、煙肉、生菜同番茄等材料，配上經烘咗嘅麵包。未烘過嘅麵包都得，火腿可代替煙肉，雞肉亦可以代替火雞。

實際邊個發明真係冇人知，理論一般講公司三文治由美國紐約州嚟，薩拉托加縣嘅薩拉托加溫泉市（en:Saratoga Springs, New York），呢個地方亦係薯片嘅發源地。大約喺19世紀，呢度啲賭場開始提供呢種嘢食。