六十四分音符

音樂上，六十四分音符（美式英文：Sixty-fourth note，英式英文：Hemidemisemiquaver或者英式英文：Semidemisemiquaver）嘅音符時值係全音符嘅六十四分之一。佢嘅長度係卅二分音符嘅一半，一百二十八分音符嘅兩倍。佢個樣係實心卵形，加支柄，柄尾右面加四條尾。如果響中間綫以上，柄向下，四條尾彎上。中間綫或者以下，柄向上，四條尾彎落。如果有幾個八分音符或者十六分音符或卅二分音符音或六十四分音符等等之下嘅音符，就會唔畫條尾，每條尾改用支擔連住。

幾個六十四分音符連埋一齊

六十四分休止符係同六十四分音符咁長嘅休止符，個樣似個四細7字上下連埋，上7放響第一間同第二間度，中上7放響第二同第三間度，中下7放響第三間同第四間，下7放響第四間同下加一間。

六十四分音符響音樂上好少見，通常只係用響慢嘅樂章。