六部，又叫六曹，係中國中古時，中央政府六個部門統稱，係隋朝時開始，分做吏部、民部（唐改戶部）、禮部、兵部、刑部、工部六部。經大唐固定落來，用到大清末期先至作廢。
六部嘅職務，秦漢係九卿分來管。魏晉之後，尚書分曹治事，由曹就慢慢變做部，去到隋唐先至確定尚書省分成六部。吏、戶（隋稱民部）、禮、兵、刑、工六部，就類似《周禮》裏面嘅六官，將秦漢九卿職務大部份都併入去。元代六部改屬中書省。大明皇帝朱元璋廢宰相，六部直接對皇帝負責，地位大為提高。去到清末，加開外務等等唔同部，六部個名就唔再用。
