冇可能嘅物體

冇可能嘅物體（參見英文：impossible objects），或者叫不可能物體，係視錯覺一類。一件不可能物體會係二維嘅圖像，觀看嘅人會將幅圖睇成一件三維物體嘅投影，但係呢件三維物體幾何上冇可能存在，只係畫圖嘅人用咗一啲特殊技巧，令到睇嘅人產生視錯覺。荷蘭出身嘅藝術家 M·C·艾雪，就出晒名成日喺佢嘅作品當中使用不可能物體。

不可能方塊；不可能方塊呢幅圖係由 M·C·艾雪所創嘅。

原理解釋

睇埋：視錯覺、景深感知同幾何學

研究人腦點樣將二維圖像睇做三維物體，屬於認知心理學同腦神經學嘅範疇。

不可能物體會令睇嘅人唔舒服。噉係因為人類有種傾向，想將二維嘅圖畫當係三維物體噉睇。所以啲人望住奈克方塊（下圖）通常會覺得自己望緊一個正方體，而唔係覺得幅圖係「斜線連住兩個正方形」或者「一個畀不規則平面圖形包圍嘅正方形」。當人腦睇住不可能物體嘅唔同部份嗰時，佢哋會重新評估件物體嘅三維特性，呢個過程有可能令到個腦出現混亂。

喺多數情況下，一個人望幅圖望咗幾秒，已經會發現圖中嘅三維物體係冇可能嘅。但就算個人已經知道呢點，通常都仲係會忍唔住將幅圖像睇成一件三維物體。亦有啲情況係，一個人要望好耐，而且一路望一路有意識噉思考，至會留意到圖中嘅三維物體係一件不可能物體。

重要例子

以下係一啲出名嘅不可能物體：

三不互扣環：傳統上會畫成三維空間入面三個相連嘅圓環，但原則上唔使一定要用圓形。 三不互扣環：傳統上會畫成三維空間入面三個相連嘅圓環，但原則上唔使一定要用圓形。  潘洛斯階梯：由羅渣彭羅斯獨立發明並且推廣。樓梯一路上一路轉咗四個 90° 角，但最後又形成一個連續嘅環。 潘洛斯階梯：由羅渣彭羅斯獨立發明並且推廣。樓梯一路上一路轉咗四個 90° 角，但最後又形成一個連續嘅環。  潘洛斯三角形（三條桿）：由羅渣彭羅斯喺一九五零年代獨立發明同推廣，被形容為「最純粹嘅不可能形態」。 潘洛斯三角形（三條桿）：由羅渣彭羅斯喺一九五零年代獨立發明同推廣，被形容為「最純粹嘅不可能形態」。  魔鬼叉：其中一端望落有三個圓柱形嘅尾端，但另一邊就神奇噉變咗做兩個長方形尖。 魔鬼叉：其中一端望落有三個圓柱形嘅尾端，但另一邊就神奇噉變咗做兩個長方形尖。  不可能瀑布；由 M·C·艾雪所創 不可能瀑布；由 M·C·艾雪所創  奧斯卡·洛特斯瓦德嘅視錯覺（一九三四年） 奧斯卡·洛特斯瓦德嘅視錯覺（一九三四年）

相關概念

• 平行投影：不可能物體出現嘅一個常見成因。
• 非歐幾何：啲人成日都會將不可能物體嘅幾何稱為「非歐幾何」，但係非歐幾何有可能喺現實出現，例子可以睇吓球面幾何講嘅嘢。

外拎

• （英文） 多重花園：用冇可能嘅幾何嚟設計關卡，YouTube 視頻講到點樣用不可能物體噉嘅幾何嚟設計遊戲關卡。