凌志

凌志（日文：レクサス，英文：Lexus）係豐田旗下嘅汽車牌子，中國大陸叫雷克薩斯。

歷史

早喺1980年代，豐田就已經研究推出一個豪華房車品牌，去打入美國市場。佢哋喺1985年到美國，特登走到豪宅區研究下啲人生活習慣。佢哋得出結論，話需要有一個新嘅豪華旗艦車款，有自己獨立品牌同埋銷售渠道。

1989年推出咗凌志LS400。佢哋第一個打入嘅市場就係美國，跟住打入埋英國、加拿大同埋澳洲。到1991年，兩年間已經賣咗超過70000部。

凌志車型初時喺日本以豐田Celsor、Aristo、Windom等名義發售，直到2005年，豐田將凌志品牌引進日本國內。