分子

化學入面，分子係一個由兩個或者更多原子俾一啲化學鍵黐埋之後嘅產物。由於佢哋有特定嘅結構，所以將佢睇成一種物質，通常係化合物嘅基本單位。

一個分子係由好幾個原子合埋一齊而成。佢可以由同一個元素嘅原子組成，例如氧氣 O₂；亦都可以係由唔同嘅元素組成，例如水分子 H₂O。

同一個分子唔同嘅畫法。左面、中面係立體模型，右面嗰幅係平面畫法。（左）黑、白色個圓圈分別代表碳、氫嘅原子，圓圈之間嘅柱體表示化學鍵；模型俾一團雲包圍，代表住分子嘅表面；紅、藍色分別代表正、負電。（中）同左圖類似。淺藍、白色圓圈分別代表碳、氫嘅原子，柱體表示化學鍵。（右）呢種利用化學符號同直線嚟表示分子結構嘅畫法，稱為結構式。