前列腺癌

前列腺癌係出自前列腺嘅惡性腫瘤。前列腺係屬於男性生殖系統嘅其中一個腺體，如果其中有細胞基因突變搞到增殖失控，就會變咗癌症。惡性細胞除咗體積擴大，或者侵犯鄰近器官，亦都可能轉移到身體其他部位，尤其係骨同淋巴結。前列腺癌可能造成疼痛、排尿困難、勃起功能不全等症狀。

症狀

早期嘅前列腺癌大多數無症狀。好多時都係例行健康檢查嗰陣，發現 PSA 值升高，進一步追查之後至發現。然而有時前列腺癌亦會引起症狀，而且同良性前列腺增生症症狀好似，包括尿頻、多夜尿、排尿困難、尿流細小、血尿、屙尿痛等。前列腺癌亦可能造成性功能障礙，例如勃起困難、射精疼痛難耐。

較嚴重嘅前列腺癌如果侵犯身體其他部位，就可能引起相對應嘅症狀。其中骨痛最常見，多半發生喺脊椎、骨盆或肋骨，只要係癌細胞轉移之處都可能會痛。承受重量嘅骨頭例如脊椎，如果因癌細胞侵犯而變得脆弱，亦可能造成骨折壓住脊髓神經，造成下肢無力或大小便失禁。

治療

荷爾蒙療法

荷爾蒙療法（Hormone therapy）係用喺內科或者外科嘅方法，令到攝護腺癌細胞唔可以獲得雙氫睾酮（Dihydrotestosterone，DHT）、喺攝護腺入面產生嘅一種荷爾蒙令到大部分攝護腺癌細胞唔可以生長同擴散。阻止雙氫睾酮通常會令到攝護腺癌停止生長甚至萎縮嘅 但係荷爾蒙療法好少治療攝護腺癌因為癌症最初對荷爾蒙療法會有反應，但係到一至到兩年之後癌症對治療有抗性。所以呢荷爾蒙療法，通常用喺已經擴散嘅攝護腺癌。亦都會用係某一啲做放射治療或者手術嘅病人，幫助防止攝護腺癌復發。攝護腺癌荷爾蒙療法係瞄準身體生產雙氫睾酮嘅方法。

反饋環路包括睾丸、下丘腦、腦下垂體、腎上腺和攝護腺控制雙氫睾酮嘅血中濃度。 首先，雙氫睾酮嘅低血液濃度，刺激下丘腦生產促性腺激素釋放激素（Gonadotropin-releasing hormone，GnRH）。性腺激素釋放素GnRH，然後刺激腦下垂體生產黃體生成素（Luteinizing hormone，LH），同埋會刺激睪丸生產睾酮（Testosterone）。最後，睾酮從睾丸和脫氫表雄酮（Dehydroepiandrosterone，DHEA）從腎上腺，刺激攝護腺生產更加多雙氫睾酮。荷爾蒙療法用中斷呢到在任何一個點，可以減少雙氫睾酮嘅濃度。

放射治療

放射治療（Radiation Therapy）又稱為「電療」，係利用高能量X光集中治療前列腺癌，並破壞前列腺癌細胞。但由於前列腺緊貼直腸，即使係精準嘅放射治療都會產生輻射影響到直腸，或會引起大便出血、直腸發炎等問題。但現時可以透過注射水凝膠嘅新技術減低呢方面副作用，亦可減低引致勃起功能障礙嘅機會。

註

1. ^ Miller, DC (2003). "Prostate carcinoma presentation, diagnosis, and staging: an update form the National Cancer Data Base". Cancer. 98: 1169. PMID 12973840. {{cite journal}}: Unknown parameter |coauthors= ignored (|author= suggested) (help)
2. ^ van der Cruijsen-Koeter IW, Vis AN, Roobol MJ, Wildhagen MF, de Koning HJ, van der Kwast TH, Schroder FH. Comparison of screen detected and clinically diagnosed prostate cancer in the European randomized study of screening for prostate cancer, section rotterdam. Urol. 2005 Jul;174(1):121-5. PMID 15947595
3. ^ 崔家倫醫生(2020),前列腺癌靶向治療最新發展 前列腺癌靶向治療最新發展
4. ^ 馬偉傑醫生 蘇子謙醫生(2022),【治療前列腺癌新知識】下集-前列腺癌治療新方案 前列腺癌治療新方案