前列腺(英文:prostate)舊時又叫攝護腺,係男人同一啲哺乳動物嘅生殖腺,負責製造濃厚嘅精液混合精子射出體外,屬男性生殖系統嘅一部份。

前列腺

解剖

前列腺係一個圓錐形腺體,形狀同大細都好似一粒合桃仁,位於骨盤裏面膀胱下面、前後左右四面包圍住尿道,被佢喺中間穿過。男仔嘅前列腺未發育,要到青春期佢先慢慢增大,到老人時開始退化。

由於前列腺後面同直腸相鄰,所以做直腸檢查嘅時候就可以摸到前列腺。

功用

前列腺係男性生殖系統嘅外分泌腺,會分泌一啲略帶鹼性嘅液體,結合由射精管運到嚟嘅精子混合成精液;呢啲液會中和殘留喺尿道啲酸性尿,有利精子生存。前列腺又會分泌前列腺特異抗原,促進精子活動。

疾病

最常見嘅前列腺病係前列腺肥大中文前列腺肥大,係由於前列腺不斷增生所致;雖然增生係良性,但係肥大會壓住男人條尿道,令到屙尿有困難。

其他病仲有前列腺炎中文前列腺炎,有分急性同慢性,同埋前列腺癌

其他動物

除咗男人之外,只係得公嘅哺乳類動物先有機會有前列腺,例如[1]

參攷

  1. 台灣行政院農業委員會家畜衛生試驗所. "犬貓前列腺的腫瘤". 動物疾病知識庫. 喺2021年6月17號搵到.

睇埋