劉偉聰(英文:Lawrence Lau Wai Chung,1968年1月4號—),係香港執業律師政治人,花名「逆權大狀」,前任又一村選區區議員,政見同行動上屬於泛民主派

劉偉聰
Lawrence Lau Wai Chung
深水埗區議會議員
現任
就任日期
2020年1月1號
前任李梓敬
繼任(現任)
選區又一村選區
個人資料
出世 (1968-01-04) 1968年1月4號(56歲)
 英屬香港
居住地 香港
母校樂善堂顧超文中學
香港大學
倫敦政治經濟學院
職業律師、前任區議員

經歷 編輯

佢出身於基層家庭,阿爸係個巴士司機,阿媽就係個洗車工人,細細個就住響新蒲崗板間房。後嚟,佢阿爸攞到咗公屋,於是就搬去荔景邨

細細個嘅佢好唔畀心機讀書,重話「我淨係會用最低力度去考試,如果我用力咁實在太蠢啦」。響考香港高級程度會考嘅時候,佢錯誤分配時間,搞到考唔到大學。之後佢意識到讀書嘅重要性,於是決定重考。期間佢曾經響航空公司做電腦系統管理員,亦都考過懲教署。最後,佢好努力咁入到港大

響1993年,佢響港大法律系畢業,之後曾經做過香港皇家警察,響1994年做自由黨創黨主席李鵬飛嘅助手,幫佢寫演講稿。1996年,佢正式做咗律師。響2000年,佢去倫敦政治經濟學院政治學,一直響度探討緊公平、公正、公義呢三樣野。但係佢響2005年因為某啲嘢而同老師反面,搞到佢攞唔到學位。

佢先後響2010到2012先後做咗特別委裁判官同埋暫時委任裁判官。佢接觸過唔少案件,其中係為「以胸襲警」嘅女被告辯護最出名,佢亦曾經係旺角騷亂被告盧建民嘅代表大律師[1]

響2019年,佢參選又一村選區區議員,以2,487票撃敗攞到2,391票、自由黨嘅李梓敬,成功當選。

2021年9月29號,佢喺2021年香港區議員宣誓入面宣誓無效,即時冇咗區議會議席。

出位言論 編輯

  • 「只有魚蛋,冇革命[2]
  • 「李鵬飛佢放棄咗好安穩嘅委任議席,走去普選。佢名成利就後覺得,民主先係ultimate legitimacy,覺得被elected更加威、名正言順。呢個好重要,係民主政治一個重要嘅價值、理想,就係legitimacy。我講嘅嘢之所以有用,係因為我代表選民;點解我代表選民,因為佢哋投我出嚟。[1]
  • 「法律唔等於公義」
  • 「除非你覺得班後生仔係傻嘅,佢哋知道後果但係都會照做,即係指有啲嘢,係重要過自己嘅自由、自己條命——我覺得嗰樣嘢就係公義。」
  • 「後生仔犯咗法,但係政府同埋班警察帶頭犯法,所以如果法治受到咗破壞,一定係由政府同埋警察搞出嚟。佢哋以法律做武器,拉班佢哋覺得嘅異見人士。呢樣嘢根本就係好明顯嘅事實。」
  • 「拋頭顱、灑熱血,我做唔到。勇武抗爭,我都做唔到。正因為咁,我好佩服班後生仔,佢哋居然放棄自己咁多前途、咁多未來,可以為咗香港、為咗一班唔認識嘅陌生人,選擇咁嘅路向。」
  • 「就好似雨傘運動,見到一班後生仔有咗案底、坐監,可以見到共產黨嘅高壓。但係你衡量一個社會運動,唔應該淨係用可以見到嘅嘢去量度,例如雨傘運動就可以顯示唔同年代嘅香港人,重係有一班香港人係有良心,唔係盲目嘅;又好似六四咁,除咗死咗咁多人、咁多家庭破碎、共產黨嘅力量更鞏固外,似乎冇嘢好,但長遠睇,我哋將呢啲嘢講番出嚟,令到後人起碼會知道世間上有樣嘢叫做公義,有樣嘢叫做邪惡。」

編輯

  1. 1.0 1.1 新聞 | 代表暴動罪被告 大狀劉偉聰:我能做的,是打好官司. (中文). 原著喺2020-01-01歸檔. 喺2020-06-20搵到.
  2. 權大狀劉偉聰 從歷史傷口看司法. 聞報 | Our Voice (美國英文). 喺2020-06-20搵到.