劉綺婷

劉綺婷（英文：Yanny Lau；1998年 9月21號—）係香港女歌手，本身係舞蹈員同跳舞導師。佢2021年參與ViuTV搞嘅真人騷選秀《全民造星IV》，96強止步，之後獲邀加入由《造星IV》參賽者自組組合Lolly Talk，做咗其中一位成員。

簡歷編輯

劉綺婷中學讀十八鄉鄉事委員會公益社中學。佢自細就學跳舞，讀中學嗰陣連續6年都做啦啦隊隊長。佢擅長爵士放克舞同甩手舞等等比較女性化嘅舞。

佢加入Lolly Talk前係個自由工作者，做過舞蹈員、舞蹈導師同模特兒等工作。佢亦經常喺Instagram入面發佈唔同流行歌曲嘅舞蹈Cover影片，又喺2022年開網店賣時裝產品。

劉綺婷參與《全民造星IV》嘅參賽編號係48號。佢喺Pre round表演《愛情當入樽》後，表示揀啦啦隊演出係為咗向評判﹑導師同埋在場參賽者打氣，所以佢班擁躉叫劉綺婷做「隊長」同自稱「隊友」。

劉綺婷之後獲邀加入由《造星IV》參賽者自組組合Lolly Talk，做咗其中一位成員。