劉邦
| 劉邦 | |
|---|---|
 | |
| 姓名原文 | 劉邦 |
| 出生日 | 256年 BC  |
| 出生地 | 沛縣 |
| 死亡日 | 195年6月1號 BC （表達錯: 未預料嘅 < 運算符歲） |
| 死亡地 | 長安 |
| 國籍 | 秦朝、西漢 |
| 識嘅語言 | 上古漢語 |
| 信奉 | 道教 |
| 職業 | ruler |
| 配偶 | 呂雉、Concubine Qi、Empress Dowager Bo、Zhao Ji |
| 仔女 | Princess Yuan of Lu、劉肥、Liu Ruyi、劉恆、劉盈、Liu Hui、Liu You、Liu Zhang、Liu Jian |
| 家族 | House of Liu |
| 阿爸 | Liu Taigong |
| 阿媽 | Liu Ao |
| 兄弟姊妹 | Liu Bo、Liu Zhong、Liu Jiao |
[改維基數據] | |
| 劉邦 | |||||||||||||||||||||||||
| 繁體字 | 劉邦 | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 簡化字 | 刘邦 | ||||||||||||||||||||||||
| |||||||||||||||||||||||||
劉邦係楚國庶民出身，曾經喺地方做過亭長。秦末天下大亂，地方不斷有人起兵作亂。劉邦開始加入呢班人嘅行列。佢首先加入咗項羽嗰班人度，畀人封為
後來項羽亦都入咗京，封劉邦做
早年
編輯細個嗰陣
編輯劉邦喺公元前256年或者前247年出世。劉邦細個好仰慕信陵君，但自己未嚟得切成年，信陵君就死咗。之後信陵君舊門客張耳做緊外黃令，喺度招收門客，劉邦就咁去咗大梁投靠張耳門下做門客，重同佢做埋朋友。冇耐魏國亡國，張耳唔想幫秦國做嘢而改名換姓著草，劉邦亦都返鄉下。所以，劉邦做皇帝之後，佢一經過大梁，多數會搵機會祭祀信陵君；楚漢戰爭期間，張耳係常山王，俾佢舊友陳餘打敗之後，張耳亦投奔劉邦。後來劉邦喺秦都咸陽服徭役嗰陣見到秦始皇出遊，就感歎咁話：「嗟乎，大丈夫當如此也」。
娶咗呂雉
編輯劉邦後生嗰陣有個外婦曹氏，生咗大仔劉肥，但因為未正式娶做老婆，所以劉肥唔係劉邦嘅嫡子。之後單父縣門閥呂公因為避仇而移居沛縣，沛縣士紳豪傑，都去咗祝賀佢。主吏蕭何負責排門客嘅座次，要求賀禮唔夠一千銅錢嘅客人，都要坐係堂下。而亭長劉邦就覺得沛縣一聚官吏冇乜咁巴閉，就吹到自己係帶咗「賀錢一萬」，其實就一個崩都冇。呂公見到劉邦嘅面相之後大吃一驚，覺得佢將來會係一個不平凡嘅人，所以就畀佢入到堂內坐。蕭何同呂公講：「劉邦淨係識講大話，冇咩成就。」但呂公就唔係咁認為。劉邦坐係上賓嘅位置之後，就大聲調侃其他沛縣官吏。呂公就對劉邦講：「我好識睇面相，但就冇見過好似你咁相貌不凡，我有個囡（呂雉），希望你可以娶佢做你老婆。」之後呂公嘅老婆呂媼就好嬲咁話：「你以前話過你個囡係寶貝囡，一定要嫁個好好嘅男人。沛縣縣令對你咁好，你唔肯嫁個囡畀佢不得止，現在居然要將個囡嫁俾劉邦？」呂公就話：「呢啲嘢，你婦道人家識條鐵咩。」最後，呂公都係將個囡嫁俾劉邦。呂雉後來就生咗漢惠帝劉盈同埋魯元公主。
老人睇相
編輯劉邦做亭長嗰陣，成日請假返歸耕田。有次呂雉同啲仔囡喺田度除草，有個老人家路過乞水飲，呂雉就畀水畀飯佢食。老人家就同呂雉睇相話：「夫人係天下貴人。」呂雉於是畀啲仔囡佢睇相，睇咗劉盈就話：「你之所以尊貴嘅原因，係因為呢個男仔。」跟住又幫魯元公主睇相，同樣都係富貴樣。老人家走咗之後，劉邦咁啱由隔離間屋走過嚟，呂雉於是將啱啱老人同佢哋睇相嘅事，話畀劉邦聽。劉邦問個老人去咗邊，呂雉就話：「唔係好遠。」於是去追個老人家，問翻佢啱啱嘅事，老人家就話：「頭先嘅夫人、仔囡個樣都似您，您個樣貴不可言。」劉邦就多謝佢話：「如果真係如你所講，我一定唔會忘記您嘅恩德。」劉邦發達之後，都搵唔返最初個個老人家。
反秦戰爭
編輯放犯斬蛇
編輯公元前210年十月，劉邦奉命押犯去驪山，中途有唔少人走佬。由於畀犯人走甩係死罪，劉邦索性放走嗮所有人，自己跟住著草。其中十幾個走犯肯同佢一齊著草，佢哋亦成為後來起義嘅部分勢力。後來，佢哋遇到條大白蛇擋路，劉邦一嬲之下用劍斬死條蛇，突然間有個老婆婆出現並喊住咁講：「我個仔係白帝個仔，化成白蛇瞓係條路上面，但俾赤帝之子殺死咗。」跟住就消失咗。由於秦始皇嘅先祖秦襄公話自己係白帝後裔，個個都覺得劉邦被賦予取代秦朝嘅天命，史稱「斬蛇起義」。秦始皇成日講「東南有天子氣」，由於嘗試以東遊，實行厭勝之術。劉邦就認為始皇東遊係要針對佢，於是就喺芒碭山山澤落草為寇。
據沛反秦
編輯秦二世元年七月（前209年），陳勝同吳廣因為落雨延期，驚受到秦律嘅處罰，所以帶咗大概九百個役夫喺蘄縣大澤鄉（依家安徽宿州東南劉村集）起事，史稱「大澤之變」。嗰時好多郡縣嘅仕紳為咗響應陳勝而殺死郡守、縣令，而沛縣嘅縣令都好驚，希望可以響應陳勝，於是喺主吏蕭何、獄掾曹參等人勸縣令叫劉邦返嚟。縣令應承咗，跟住派樊噲去叫劉邦返嚟。劉邦去到沛嗰時縣令又反口，於是劉邦帶咗百幾個人喺沛縣城外射箭夾信，說服城入面嘅人殺咗縣令。而劉邦亦喺多次推讓之後，畀眾人推舉成為沛縣縣令，自稱沛公，徵發咗縣入面大概三千子弟，攻佔埋沛縣等地。劉邦起事之後，攻咗胡陵（江蘇省沛縣龍固鎮）、方與，亦守住咗豐。秦嘅泗水郡監圍攻豐，都畀劉邦軍所破。之後劉邦命令雍齒守豐，自己就率軍攻擊薛，泗水郡郡守打輸就走佬去戚（依家山東微山），冇幾耐仲畀劉邦左司馬曹無傷殺死埋。劉邦就帶兵返亢父。行到去方與，魏國丞相周市就過嚟攻打方與（依家山東魚台），嗰陣時佔據緊豐邑嘅雍齒就選擇獻出豐邑，投靠魏國嘅周市。劉邦勁嬲，跟住打咗幾次豐邑，但都打唔贏。
嗰陣時嘅東陽寧君、秦嘉喺留邑（依家沛縣東南）立景駒做王，劉邦就希望過去投奔佢哋，再去借兵打多鑊豐邑，半路遇到張良。章邯嘅偏將司馬枿就向緊北邊進兵，攻佔咗楚地，而且喺相地屠城，打緊碭郡。東陽寧君同埋沛公就帶兵，向西面迎擊，喺蕭邑嘅西邊同司馬枿打起上嚟，結果戰事不利，劉邦要退返去留縣休整，再獨自出兵打贏咗司馬枿，令到秦軍要退到碭縣嘅東邊。三日後，劉邦攻陷咗碭縣，再用周勃打頭陣打下邑，之後喺留邑回師聚兵。跟住嗰三日，劉邦打埋碭郡，攞到五、六千人做兵力。呢一刻，劉邦有大概九千士卒，跟住再去打埋下邑，最後回師打返豐邑，結果都係打唔贏。
投奔項梁
編輯嗰陣時楚國嘅起義軍首領項梁喺薛城，沛公劉邦就率幾百騎兵過去投靠佢，項梁就畀咗劉邦五千士卒、十個五大夫等級嘅將領，劉邦就再攻多次豐，終於成功打贏。雍齒就著草到魏國。
當項梁知道咗楚王陳勝死咗而秦嘉立咗景駒做楚王嘅消息之後，項梁為爭取楚國父老嘅民心，就將喺外地嘅將軍叫返嚟薛城，一齊立楚懷王個孫熊心做楚王，亦都叫佢做「楚懷王」，而史家會叫佢做楚後懷王，項梁就自命做武信君。到咗六月，章邯攻佔咗臨濟，亦殺死魏王魏咎同埋齊王田儋。七月，劉邦就攻打亢父。章邯喺東阿包圍緊田榮。劉邦就跟住項梁帶兵過去幫田榮拖，成功打贏章邯。劉邦同埋項羽就乘勝追擊秦軍，追到去城陽，喺嗰度屠城，之後駐紮喺濮陽東邊，再同章邯軍打多鑊，成功打贏秦軍。章邯軍再次聚埋一齊，守喺濮陽、環水。劉項聯軍就離開咗，走去攻打定陶。八月，打定陶一直都打唔贏，唯有向西邊嘅雍丘出發，喺嗰度打贏多次秦軍，而五大夫曹參就跟住劉邦進軍三川郡，殺埋郡守、秦丞相李斯個仔李由。而同時，項羽、沛公仲帶緊兵打外黃，都未打贏。
到咗九月，項羽、劉邦攻打陳留嗰時，知道咗章邯喺定陶之役入面殺死咗項梁，班士兵勁驚。劉邦、項羽同埋呂臣叫楚懷王由盱台遷都到彭城。呂臣軍就駐軍喺彭城東邊，而項羽就駐軍喺彭城西邊，劉邦就駐軍喺碭城。
入關滅秦
編輯秦二世二年閏九月（前208年九月），楚後懷王遷都彭城，佢將項羽、呂臣等將領嘅兵卒收畀自己率領，賜沛公劉邦做碭郡首長，封做武安侯，帶領碭郡嘅軍隊。又封項羽做長安侯，之後喺魯建國，被稱為「魯公」。呂臣做咗司徒，而佢阿爸呂清就做令尹。嗰時秦軍圍住趙國，趙國形勢危急，就係咁向楚王請求救兵。楚王就派宋義做上將軍、項羽做次將、范增做末將，北上幫趙國拖。而沛公就帶兵向西邊打秦軍。懷王同成班將軍之前傾掂數，講過邊個入到關中先，邊個就可以喺關中稱王，但嗰陣時秦軍太勁，成班將軍都覺得向西入關打秦冇着數，冇人肯去，只有項羽因為阿叔項梁嘅死，而非常想入關攻秦。但楚後懷王同成班將領都覺得項羽份人唔係幾掂，會為咗報阿叔嘅仇而屠城，所以唔畀項羽去西征，而沛公就一支公帶兵西征。
下個月，劉邦帶兵西征，得到咗項梁同陳勝嘅散卒，佢由碭郡到達成陽，同槓里嘅秦軍僵持，最終打贏咗王離帶領嘅秦軍，跟住又喺成武南邊打贏咗王離同埋東郡尉，揭開咗楚軍反攻嘅序幕，亦為宋義軍嘅前進、掃除前方障礙做咗貢獻。十二月，返到去栗，遇到楚軍嘅將領剛武侯，劉邦搶走咗剛武侯嘅軍隊，收編多咗四千幾個人，再同魏國將軍皇欣、申徒武蒲嘅軍隊一齊攻打昌邑，但未打贏，唯有兜路去到高陽。同一時間，王離輸咗畀劉邦，後嚟得知章邯下令要去圍住鉅鹿，項羽就同諸侯聯軍喺鉅鹿打贏秦軍，俘獲咗王離，招降埋章邯。
秦二世三年二月，劉邦喺昌邑遇到彭越，就同彭越聯軍攻打昌邑，但打唔贏。喺高陽，酈食其、酈商兩兄弟過嚟投奔，酈食其就勸劉邦襲擊陳留，搶走秦兵嘅糧食，所以酈食其就被封咗做廣野君，然後劉邦同酈商一齊去打開封，但打唔贏，唯有一路向西走。三月，劉邦到咗陳留西邊大概30公里嘅開封，同秦大將趙賁打咗獲，贏趙賁開嗮巷，又喺白馬、曲遇到秦國將軍楊熊，又打咗獲，都係贏到開巷，楊熊就著草走到滎陽，而秦二世就派使者斬咗楊熊示眾。四月，劉邦攻陷潁陽，又透過張良嘅幫助，佔領咗韓國嘅轘轅關。攞咗轘轅之後，劉邦帶兵由轘轅打到入去洛陽盆地。呢個時候，趙國嘅別將司馬昂啱啱想渡黃河，入函谷關。劉邦就向北攻佔咗平陰，截斷埋黃河渡口，又向南進軍，同秦軍喺洛城東邊打咗獲，又贏多次趙賁。
六月，同南陽郡守呂齮打咗次，攻入咗南陽郡，呂齮著草到宛城，劉邦本身打算唔追佢，但張良話如果咁做會令自己腹背受敵，所以一定要先打入宛城，劉邦於是就打入宛城，呂齮本來要自刎，但佢嘅舍人陳恢建議佢投降，呂齮應承咗，劉邦就封咗呂齮做「殷侯」，封陳恢食邑一千戶，然後劉邦就繼續西進，佢經過親嘅城都願意歸順佢。去到丹水嘅時候，秦國嘅高武侯戚鰓、襄陽侯王陵都喺西陵投咗降，劉邦於是掉轉頭去打胡陽，遇到番君吳芮嘅副將梅鋗，就同埋梅鋗一齊攻入咗析縣同埋酈縣。之後，劉邦派遣甯昌去秦國出使，但甯昌都仲未返嚟。同一時間，鉅鹿之戰結束，秦國將領章邯向項羽投降。
趙高刺殺秦二世之後，就派人同劉邦講，佢願意割地畀劉邦，但劉邦覺得可能有伏，而且趙高份人咁奸，所以劉邦唔單止唔應承趙高，仲處死咗秦國嘅使者，同時又加快攻擊嘅腳步，運用張良嘅計謀，派咗酈生同陸賈去遊說、行賄武關嘅秦將，同時又去偷襲武關。八月，劉邦成功攻入咗丹水河谷嘅險要武關，咁意味住秦國嘅東南門戶已經被打開。之後，秦王子嬰即位，去派人刺殺趙高，而且動用嗮關中所有嘅軍隊，同派大軍守住秦國。而喺蟯關、藍田之戰入面劉邦打贏埋秦國最後一支軍隊，成功進入秦國。秦國朝廷勁驚，劉邦最後到咗霸上。子嬰就坐住素車白馬喺軹道投降，劉邦反對其他將領嘅建議，唔肯處死子嬰，只係俘虜咗佢就算。
楚漢相爭
編輯約法三章
編輯漢元年十月（前207年十月），秦王子嬰喺軹道向劉邦投降，秦朝滅亡。史家一般當呢個月做「漢元年」嘅開始。
劉邦見到秦國皇宮入面富裕堂皇，就想要入住秦宮，享受榮華富貴，但就畀樊噲、張良等人阻止。於是劉邦下令封咗秦王嘅王宮府庫，帶兵回程返去霸上，而蕭何等人就收咗秦朝嘅地圖、戶籍資料等。之後，劉邦召見咗咸陽附近嘅父老、豪傑，慰勞佢哋話：你哋都忍咗嚴苛嘅秦律好耐，然後就同佢哋約法三章，將嚴苛嘅法例全部廢除，而且官吏仲可以繼續做返舊職。同時劉邦亦拒絕咗秦人嘅犒勞。劉邦咁做，大得秦人嘅民意，百姓反而仲驚劉邦第時做唔到王。
鴻門宴
編輯有人同劉邦講：「秦國比六國富裕十倍，而地形又易守難攻。聽講章邯投降項羽，項羽要畀章邯到關中稱王，如果章邯咁做，你就冇得稱王啦，你快啲去守住函谷關，唔好畀班諸侯有機可乘。」劉邦採納咗個提議，命人守函谷關。十一月中，項羽帶住諸侯聯軍行到去函谷關，而佢得知劉邦已經派人守住咗關中關口就好嬲，下令黥布等人去攻破函谷關。十二月，項羽去到戲（依家陝西西安），準備攻打劉邦。而劉邦軍嘅左司馬曹無傷派人同項羽告密，項羽就更加嬲。而項伯因為同張良係好朋友，所以就去咗劉邦軍度希望勸告張良走佬，唔好畀亂軍殺咗，而張良就因為項伯求項羽唔好出兵。所以就發生咗鴻門宴嘅故事。鴻門宴中，項羽冇聽從亞父范增嘅計謀，令到劉邦可以逃過一劫。（而俗諺「項莊舞劍，意在沛公」就係嚟自呢一度。）
紀年
編輯| 漢太祖高皇帝 | 元年 | 二年 | 三年 | 四年 | 五年 | 六年 | 七年 | 八年 | 九年 | 十年 | 十一年 | 十二年 |
|---|---|---|---|---|---|---|---|---|---|---|---|---|
| 公元 | 前207年十月—前206年九月 | 前206年十月—前205年後九月 | 前205年十月—前204年九月 | 前204年十月—前203年九月 | 前203年十月—前202年後九月 | 前202年十月—前201年九月 | 前201年十月—前200年九月 | 前200年十月—前199年後九月 | 前199年十月—前198年九月 | 前198年十月—前197年後九月 | 前197年十月—前196年九月 | 前196年十月—前195年九月 |
家族
編輯參考
編輯- 《史記·高祖本記》
- 《漢書·高帝紀》
