加新社

加新社（英文：Canadian Press，簡稱 CP；法文：Presse canadienne，簡稱 PC），又譯加通社，係加拿大嘅通訊社，1917年加拿大國會立法成立，總部設喺多倫多。

加新社除咗為一般傳媒提供新聞稿之外，仲出版咗三本格式手冊，當中英文嘅《Canadian Press Stylebook》（加新社格式手冊）同《Caps and Spelling》（大寫及串字手冊）除咗好多傳媒會用之外，好多公司機構都會，特別係牛津大學出版社喺2008年執咗加拿大嘅字典部之後，好多英文編輯因為最新嘅加拿大英文字典已經幾乎二十年書齡，會當《Caps and Spelling》係後備字典咁用。另外一本係法文嘅《Guide de rédaction》（編寫指南）。

英文版嘅加新社格式手冊奠定嘅寫作格式叫做加新社格式（CP style）。相對於北美英文編輯界常用嘅芝加哥格式，加新社格式比較口語化；正因為用呢種格式寫出來嘅文比較有親切感，所以好多加拿大嘅公司機構嘅對外通訊都係用佢。