動字
(由動詞跳轉過嚟)
動字[1]（英文：verb），又叫動詞，係文法上一類字，描寫動作，現出或者狀態。有啲語文，動字會按時態，態度，情緒，聲調而變形。例如廣東話，做，做緊，做咗，就係呢動變化。有啲語文，會跟人，性別，多寡而變化配合，如英文I have就要對He has等。
動字分爲內動同外動[1]。內動，又叫不及物動詞，指動字，只有起詞，即施動者就够，唔涉及外物，所以叫內動。而外動，又叫及物動詞，唔單止有起詞，重會有止詞，即要埋受動者，涉及外物，所以叫外動。例如，「天下猶未平」[2]，平就係內動，有天下做起詞，唔使止詞。而「禽獸迫人」[2]，迫係外動，除咗有禽獸做起詞，重有人做止詞。
有時外動收嘅唔只一端，咁就會借介字做轉詞，轉介出去[1]。唐文來講，介字有【於】【以】【爲】【與】【自】等。例如，「王如施仁政於民」[3]，施係外動字，仁政係止詞，而民就係轉詞，而用【於】做介字，將仁政轉去民。如果係人或者代字，或者名短，有時會慳埋介字，掉一掉位，將轉詞擺先，例如「子噲不得與人燕」[4]，【與】係外動字，人係轉詞，燕係止詞，查實就係「子噲不得與燕於人」咁意思。
｢動字｣ 曾經唔係指所有動詞，只係指其中一類[5]。