動L
「動L」（粵拼：dong4 au4；IPA：[tʊ̀ŋɛɫ]），又稱「動呦」、「動啊」、「動AL」、「Dong'al」[1][2]，喺中國大陸叫做「Duang」 ( IPA：[twáŋ] )，一個起源於2008年嘅網路用語。佢出自「霸王」防脫洗髮液嘅洗頭水廣告入面，成龍喺佢個普通話廣告入面講咗句：「……你拍一個廣告拍完以後加了很多特技，那頭髮動啊……很黑！很亮！很柔！」期間成龍七情上面，用聲音同手勢模仿因加咗特技而誇張噉彈起嘅髮絲。而因為「動啊」嘅發音同嗰陣配合嘅動作太誇張、太得意，令啲網民個個走去扮佢，變咗做網絡用語，再成為潮語。
起源 編輯
2004年，成龍代言「霸王洗頭水」嘅廣告，佢話：
| 「 | （呃……）當我第一次知道要拍洗髮水廣告的時候，其實我是拒絕的。因為我覺得，（呃……）你不能叫我拍我就馬上去拍，第一我要試一下，（不然）我又不想說，一個廣告拍完後加上好多特技，頭髮動啊，很黑，很亮，很柔，結果觀眾出來一定會罵我，根本沒有這種頭髮，證明上面這個是假的。我說先給我試一下。後來經過證實也知道它們是中藥的，而且沒有那種化學成分。洗了一個月……這個月下來之後，起碼我用了很舒服，現在我每天還在用，我還給我成家班用：「來！來！來！大家試試看！」我跟導演講：「拍的時候就拍！拍完之後，這個頭髮就是我的頭髮，就不要再加特技上去，沒有，就是這樣子。」我要給觀眾看到，我用完之後就是這樣子，你們用完的時候也是這樣子！
|
」 |
粵文譯：
| 「 | （呃……）我第一次知道要拍洗頭水廣告嗰陣，其實我係唔制嘅！因為我覺得，（呃……）你冇得叫我拍我就即刻拍，第一我要試下，（唔係）我又唔想話，拍完個廣告加好多特技，頭髮郁啊，好黑，好令，好順，結果觀眾出來一定會鬧我，根本無呢啲頭髮，證明上面呢個係假嘅！我話畀我試下先，後來證實知道佢哋係中藥嘅，而且無嗰啲化學成分。洗咗成個月……成個月之後，起碼我用咗好舒服，而家我每日都用緊，我仲畀埋我嘅成家班用：「嚟！嚟！嚟！大家試下！」我同導演講：「拍咪拍！拍完，呢把頭髮就係我嘅頭髮，就唔好再整特技上去，無，就係咁樣。」我要畀觀眾睇到，我用完之後就係噉，你哋用完之後都係噉！
|
」 |
但係喺2010年，有媒體聲稱霸王洗頭水有致癌物二噁烷（霸王唔認）[3][4]，而霸王兩款產品又因為虛假宣傳被大陸藥監部門調查[5]。之後引發咗網上對廣告嘅惡搞[6]。
現實中嘅影響 編輯
動L嘅影響力甚廣，例子太多講唔晒，以下淨係列出對現實中早期啲嘅影響。
報章雜誌 編輯
《蘋果日報》副刊 編輯
2009年4月24號嘅《蘋果日報》副刊中，編輯用「動L」嚟形容彈牙嘅讚岐烏冬[7]。
《蘋果日報》娛樂版 編輯
藝員王菲接拍嘅2009年新一系列霸王洗髮水廣告，報導中以「長髮動L」，來形容王菲飄逸嘅長髮[8]。
《蘋果日報》政情版 編輯
三位前自由黨成員林健鋒、梁劉柔芬同梁君彥，喺2009年6月16號成立名叫「經濟動力」嘅組織。編輯用咗「經濟動L」來稱呼呢三位用英文 L 字開頭嘅人搞嘅組織[9]。
電視／電台節目 編輯
《係咪小兒科》第一輯 編輯
無綫電視節目《係咪小兒科》第一輯嘅其中一集，古巨基曾經講到「動L」呢個字。
體育新聞報道 編輯
2009年3月11號，無綫電視互動新聞台中其中一單足球新聞報道，報導員伍家謙突然用「動L」呢個字以形容球員入波的動作[10][11]。
2009年度勁歌優秀選第一回 編輯
古巨基整咗個L字手勢然後放平問陳奕迅嗰條IQ題嘅謎底，陳奕迅答錯做「動L」。
《香港亂噏》 編輯
喺2009年5月31號播出嘅《香港亂噏》節目中，惡搞成龍嘅「成大哥」（姜皓文扮）多次講「動L」及揈頭，影射成龍洗頭水廣告。
另外，喺2009年7月12號播出嘅《香港亂噏》嘅《特區政府冇問題記者會》環節入面，成龍洗頭水廣告再次被人惡搞[12]。
《頭條新聞》 編輯
喺2009年6月12號播出嘅《頭條新聞》節目中嘅《CMN超現實報道》環節，主持林超榮惡搞成龍做「成蟲」，希望全港市民練拳強身，喺環節完結時講咗句「動L」[13]。
《早霸王》 編輯
呢個商台節目用《霸王動L》做其中一個環節個名。
呢個字喺中國大陸嘅情況 編輯
動L呢個潮語誕生之後7年，呢個字再次喺大陸炒起，但係變種成「Duang」[14]。2015年頭，有個叫「緋色toy」嘅人喺彈幕影片網Bilibili將條廣告片攞出嚟惡搞，將佢同大陸藝人約瑟翰·龐麥郎嘅歌《我的滑板鞋》remix埋，呢個「duang」字就係咁不斷被人惡搞[15]。
條片掟咗上網之後，「duang」呢個字迅速成為中國網絡熱詞，「duang乜嘢意思」一度成為微博排名第一嘅搜尋字眼，截至2015年3月1號6點，喺微博度搵「duang」呢個字，已經可以搵到差唔多500萬個結果[15]。網民不單止創造咗「duang」嘅漢字寫法，重用佢嚟「造句」，「duang」呢個字都被人認為係羊年第一個網絡熱門詞，惡搞片入面嘅「加特技」亦因而流行[16]。網上購物網站都整啲T恤、手機殼、記事簿、腰包、心口針、口罩、洗頭水搭呢個順風車，用佢改名或者做廣告，並熱賣[17]。
「Duang」呢個字喺中國網絡爆紅，亦引發咗包括英國BBC同美國《外交政策》雜誌等等海外媒體嘅關注，走紅全球[15][18][19][20]。
而當事人成龍嘅微博都喺惡搞片掟上網之後畀人用「duang」洗版，之後成龍自己喺微博都用「duang」自嘲，引發網民圍觀[15]。喺2015年中國「兩會」期間，有媒體記者問及「最近網上很火的『duang』字你怎麼解釋」時，身兼第12屆全國政協香港委員嘅成龍講笑話「好好玩」[21]。但係喺另一個場合，全國政協文藝界小組會議入面，成龍就呻：「抱咗下宋祖英就上頭版，講一句duang就寫咗咁耐……我呢個duang，講100年。我而家講一句真話真係有可能後悔10年，後悔成世。等你死咗嗰日，甚至死咗之後重會被人抄返出嚟。」表示以後講嘢要三思[22]。另一當事方霸王都改過之前網友惡搞嘅片，整條「自嘲」片，但係其中「連續七年銷量第一」嘅台詞就被人質疑[23]。
參考 編輯
- ↑ 東方日報副刊：齊齊扮實Q動AL博物館大冒險
- ↑ 都市日報：黃德几 投資得機：霸王硬上「市」大市更「動AL」[失咗效嘅鏈]
- ↑ 〈霸王洗发水陷"致癌门" 七成消费者称不再购买〉. 西部网. 2010-07-15. 原著喺2015-04-02歸檔. 喺2015-03-04搵到.
- ↑ 京华时报 (2015-03-04). 〈霸王诉壹周刊诽谤案香港聆讯 回应Duang〉. 新华网. 喺2015-03-04搵到.
- ↑ 京華時報 (2010-09-10). 〈霸王兩款產品虛假宣傳被查〉. 網易. 原著喺2015-04-02歸檔. 喺2015-03-04搵到.
- ↑ 暴走漫畫. 〈暴走漫畫—暴走大事件第二季：03期之腦殘廣告唐馬儒教你高效美白〉. 優酷. 喺2015-03-04搵到.
- ↑ 〈蘋果日報副刊：中日韓冷 麪戰 動 L烏冬〉. 原著喺2013年7月22號歸檔. 喺2016年5月25號搵到.
- ↑ 〈蘋果日報：娛樂名人：王菲長髮動 L出擊〉. 原著喺2009年5月23號歸檔. 喺2016年5月25號搵到.
- ↑ 蘋果日報：政壇八達通：「經濟動 L」難變身政黨 互聯網檔案館嘅歸檔，歸檔日期2009年7月21號，.，2009年6月17日。
- ↑ YouTube影片：03 11 01 iNews 深宵新聞報道 動L（0:40）
- ↑ YouTube影片：亞洲足協盃F組 2009-3-11 南華對印尼棉蘭 (AFC Cup 2009 Group F SCAA vs Medan)
- ↑ 2009年7月12日《香港亂噏》節目截圖
- ↑ YouTube影片：12-06-2009 頭條新聞：「CMN超現實報道」
- ↑ 〈香港08年發明成龍「動L」 中國網民7年之癢再惡搞造字〉. 《852郵報》. 原著喺2016年5月17號歸檔. 喺29 June 2015搵到.
- ↑ 15.0 15.1 15.2 15.3 引用錯誤 無效嘅
<ref>標籤；無文字提供畀叫做ckxx0302嘅參照 - ↑ 〈成龍造羊年首個網絡熱詞 duang為什麼火起來？〉. 華夏經緯網. 2015-03-02. 原著喺2015-03-30歸檔. 喺2015-03-04搵到.
- ↑ 〈一句"Duang"引發周邊產品熱賣〉. 《福建日報報業集團》. 海峽都市報. 2015-03-11. p. A48. 原著喺2015-04-02歸檔. 喺2019-01-13搵到.
- ↑ "Millions share new Chinese character". BBC . 2015-03-02. 喺2015-03-04搵到.
- ↑ 新浪娛樂 (2015-03-04). 2015-03-03/content_13308234.html 〈成龍Duang登BBC熱門報導網友:火到全球〉. 中國日報網. 喺2015-03-04搵到.
{{cite web}}: Check|url=value (help) - ↑ 〈中國網絡語流行世界全民"Duang"不停〉. 多維新聞. 2015-03-03. 原著喺2015-03-07歸檔. 喺2015-03-04搵到.
- ↑ 新浪娛樂 (2015-03-04). 〈趙本山現身兩會氣色好：成龍稱duang很好玩〉. 重慶在線. 原著喺2015-04-02歸檔. 喺2015-03-04搵到.
- ↑ 中央社 (2015-03-12). BE%8D%E6%80%A8%E5%AA%92%E9%AB%94%EF%BC%9A%E4%B8%80%E5%8F%A5duang%E5%B0%B1%E5%AF% AB%E9%80%99%E9%BA%BC%E4%B9%85 〈成龍怨媒體：一句duang就寫這麼久〉. 聯合新聞網. 喺2015-03-12搵到.
{{cite web}}: Check|url=value (help) - ↑ 引用錯誤 無效嘅
<ref>標籤；無文字提供畀叫做新華網嘅參照
