成龍
提示：呢篇文講嘅唔係于成龍。拿督[1]房仕龍，SBS[2]，MBE，PMW（粵拼：fong4 si6 lung4），又名陳港生（can4 gong2 sang1；意思係「香港出世」；1954年4月7號—），藝名成龍（sing4 lung4），係一位香港出名嘅國際武打片明星。
| 房仕龍 | |||||||||||
|---|---|---|---|---|---|---|---|---|---|---|---|
 成龍（2016年7月） | |||||||||||
| 男藝人 | |||||||||||
| 原名 | 陳港生 | ||||||||||
| 羅馬拼音 | Chan Kong Sang | ||||||||||
| 英文名 | Jackie Chan | ||||||||||
| 別名 | 成龍、陳元龍、元樓（藝名） | ||||||||||
| 國籍 |  中國（香港） | ||||||||||
| 籍貫 | 安徽省蕪湖市沈巷鎮（原屬和縣） | ||||||||||
| 出世 | 1954年4月7號.svg){kind=small} 英屬香港太平山 | ||||||||||
| 職業 | 演員、導演、武術指導、歌手、政協委員 | ||||||||||
| 語言 | 粵語、英文、普通話 | ||||||||||
| 配偶 | 林鳳嬌（1982年結婚） | ||||||||||
| 仔女 | 房祖名－1982年12月3號 吳卓琳（同吳綺莉所生）－1999年11月19號 | ||||||||||
| 父母 | 房道龍 （父）（1914年－2008年） 陳月榮 （母）（1916年－2002年） | ||||||||||
| 屋企人 | 大哥：房仕德 （1940年生） 二哥：房仕勝 （1946年生） | ||||||||||
| 出道地 | .svg){kind=small} 英屬香港 | ||||||||||
| 代表作品 | 《醉拳》、《警察故事Ⅲ超級警察》、 《新警察故事》、《十二生肖》、《男兒當自強（國語）》 | ||||||||||
| 活躍年代 | 1962年 - 至今 | ||||||||||
| 網站 | www | ||||||||||
| 相關團體 | 七小福 | ||||||||||
| 網路電影資料庫（IMDb）資訊 | |||||||||||
| |||||||||||
履歷
編輯成龍早喺六歲嗰陣拜讀于占元嘅「中國戲劇學校」學習京劇，係七小福之一，藝名元樓。成龍係師父于占元嘅契仔，細個嗰陣以學習功夫為主。但由於京劇式微，于占元為咗徒弟嘅前途，鼓勵徒弟入戲行。1971年成龍入電影圈，主要喺邵氏擔任特約演員嘅角色。冇幾耐李小龍突然逝世，武打片票房受到嚴重打擊而減產，武師好多都冇得撈，成龍亦一度失業，只靠住做散工為生。直到1976年俾電影人羅維睇中，拍攝《新精武門》，正式用藝名「成龍」，但冇一部成功。
巨星嘅崛起
編輯直到1978年吳思遠開拍由袁和平執導嘅《蛇形刁手》，向羅維借用成龍出做主角，先至喺影圈嶄露頭角，但真正奠定成龍喺影壇巨星地位，係同年拍攝嘅《醉拳》，大破各地票房紀錄，得到空前成功。隨後重自導自演拍咗多部包括《笑拳怪招》、《師弟出馬》幾部動作電影，票房長紅。呢嗰時候羅維嘅幕後支持者嘉禾電影嘅鄒文懷安排成龍到荷里活拍攝《殺手壕》、《炮彈飛車》、《威龍猛探》一系列嘅低成本西片，未有作為。1983年返到香港拍攝《龍少爺》重振聲威，跟住夥拍師兄洪金寶拍攝一系列「福星片」。1985年成龍重憑《警察故事》得到香港電影金像獎最佳故事片獎。1992年，成龍以《警察故事 3》榮獲台灣《金馬獎》最佳男主角，1993年，再度憑《重案組》冧莊《金馬獎》影帝。
成龍一路以嚟都係以演動作片為主，尤其喺佢每次演出都梗係親身上陣，完全唔用替身，喺電影界係相當少見嘅。但喺2007年香港著名替身羅禮賢踢爆成龍一路都用替身，親自上陣為招牌喺講大話[3]。羅禮賢話：「從做小弟嗰日起，就一直睇住成龍用替身過嚟。」而唐季禮導演本人回應話：「每一個動作都係成龍完成嘅，所謂嘅替身只係喺設計動作嘅時候做啲難度同埋危險度。」根據採訪內容，羅禮賢只有比較明確咁指自己做過成龍嘅飛車特技替身，早期柯受良都做過成龍飛車替身，都唔係近年先至披露嘅秘密，亦冇其他證據指成龍喺高處跳下或爆破等等動作戲全部都係替身代勞，而成龍嘅飛車特技作品佔少數[4]。
走向國際
編輯成龍早喺1982年就開始入荷里活，但佢邁向國際之路並唔係順風順水；佢首次進軍國際嘅作品係《砲彈飛車》，票房失利，令成龍要相隔多年先至再闖荷里活。而真係令成龍打入國際市場係1994年拍攝嘅《紅番區》，喺美國上創下高票房紀錄，跟住第一部荷里活電影《火拼時速》，一樣得到高票房，上《時代》雜誌，奠定今日喺國際嘅地位。但係之後嘅荷里活影片好似《特務踢死兔》、《八十日環遊世界》等，喺全球票房普遍唔好。成龍講過，荷里活唔係佢嘅天下，只有返到香港成龍先至如魚得水[5]。2007年喺北美上映嘅《火拼時速 3》創下近一億四千萬美元嘅票房紀錄，夾埋《火拼時速》系列三部喺北美累積票房超過五億美元、全球累積八億三千五百萬美元；而家為止，重未有其他亞洲演員主演嘅電影有咁嘅成績。
作品
編輯主演電影
編輯- 1964年 《秦香蓮》（飾-冬哥）
- 1973年 《廣東小老虎》
- 1976年 《新精武門》、《少林木人巷》
- 1977年 《劍花煙雨江南》
- 1978年 《蛇鶴八步》、《飛渡捲雲山》、《醉拳》、《拳精》
- 1979年 《笑拳怪招》、《龍拳》
- 1980年 《師弟出馬》、《殺手壕》
- 1981年 《砲彈飛車》
- 1982年 《龍少爺》（飾-富家公子阿龍）
- 1983年 《A計劃》（飾-水警沙展馬如龍）
- 1983年 《奇謀妙計五福星》（飾-CID.Jackie）
- 1984年 《砲彈飛車2》
- 1984年 《快餐車》（飾-湯瑪士）
- 1985年 《龍的心》
- 1985年 《警察故事》（飾-重案組警長陳家駒）
- 1985年 《福星高照》（飾-國際刑警雞骨草/鐵力威）
- 1985年 《夏日福星》（飾-國際刑警雞骨草）
- 1986年 《龍兄虎弟》（飾-盜寶高手Jackie）
- 1987年 《A計劃續集》（飾-西環警長馬如龍）
- 1988年 《警察故事續集》（飾-重案組警長陳家駒）
- 1988年 《飛龍猛將》（飾-律師約翰）
- 1989年 《奇蹟》（飾-黑幫老大郭振華）
- 1991年 《飛鷹計劃》（飾-盜寶高手Jackie）
- 1991年 《火燒島》（飾-大鎚）
- 1992年 《雙龍會》（分飾-公子、搏命）
- 1992年 《警察故事3 超級警察》（飾-重案組督察陳家駒）
- 1993年 《超級計劃》（飾-師兄陳家駒，客串演出）
- 1993年 《重案組》（飾-重案組陳幫辦）
- 1993年 《城市獵人》（飾-城市獵人孟波）
- 1994年 《醉拳Ⅱ》（飾-黃飛鴻）
- 1995年 《紅番區》（飾-馬漢強）
- 1995年 《霹靂火》（飾-修車工陳火韜）
- 1996年 《警察故事之簡單任務》（飾-香港督察陳家駒）
- 1997年 《一個好人》（飾-Jackie，意大利名廚Baggio得力助手）
- 1998年 《我是誰》（飾-美國中情局幹員Jackie）
- 1998年 《火拼時速》（飾-Inspector Lee）
- 1999年 《玻璃樽 (電影)》（飾-富商陳子午）
- 2000年 《西域威龍》（飾-滿清侍衛莊榮－英文名變成John Wayne）
- 2001年 《特務迷城》（飾-營業員小北）、《火拼時速2》（飾-李督察）
- 2002年 《特務踢死兔》（飾-唐占美）
- 2003年 《西域威龍2皇家威龍》（飾-姜文）、《飛龍再生》（飾-Eddie）
- 2004年 《環遊世界八十天》（飾-路路通）
- 2004年 《新警察故事》（飾-高級督察陳國榮）、《千機變2之花都大戰》
- 2005年 《神話》（飾-蒙毅將軍/Jack）
- 2006年 《寶貝計畫》（飾-人字拖）
- 2007年 《火拼時速3》
- 2008年 《功夫熊貓》、《猩猩王》、《功夫之王》
- 2009年 《新宿事件》
- 2010年 《大兵小將》（飾-小兵）、《鄰家特工》（一屋特工隊/隔壁的間諜/鄰家間諜）、《功夫夢》
- 2012年 《十二生肖》
- 2013年 《警察故事2013》
- 2015年 《天將雄師》
- 2021年 《總是有愛在隔離》
- 2021年 《許願神龍》
唱片
編輯屋企
編輯都市傳說
編輯有個關於成龍嘅都市傳說，就係所有佢代言過嘅牌子同產品，都會舐大鑊嘢。霸王集團嘅洗頭水，試過畀周刊話致癌，公司即刻股價急跌。香港航空請過成龍做形象大使，不過到2018年開始，母公司海航財政開始唔掂，連帶港航都要出高息債券嚟借錢，到2019年，香港空運牌照局更加因應港航嘅財政狀況，去考慮使唔使釘佢牌，所以坊間都笑成龍係「品牌殺手」。其他巧合「遭殃」嘅例子包括鄭州思念食品（水餃被驗出金黃葡萄球菌）、成都汾煌飲品（代言之後無幾耐就結業）、廣州愛多VCD廠（老闆使咗兩億一千萬人民幣請成龍代言之後，好快俾人拉去收監，個牌子重消失埋），中山小霸王學習機命運差唔多。打正成龍招牌嘅香港健身公司加州健身都係欠債執笠收場。[6]
公職
編輯個人榮譽
編輯爭議
編輯武漢肺炎疫情期間違反限制令
編輯2020年2月16號喺武漢肺炎疫情肆虐期間，成龍曾經同一啲前度或現役嘅警務人員，包括朱經緯警務處處長鄧炳強、總警司謝振中、仲有多名藝人包括曾志偉、譚詠麟、方中信等，出席晨曦明星隊晚宴，違反限制令，而晚宴嘅短片同照片，之後喺網上瘋傳並惹熱議[12]。
政治立場
編輯成龍大哥係香港親中陣營嘅支持者，曾經有份參與一份聯署，支持北京未經諮詢或香港人同意而強行訂立，兼且惹起泛民主派爭議嘅《香港國家安全法》[13][14]，但有關聯署之後被揭發做假，其中名單上嘅張寶華、徐熙媛、李巧靈同蔣志光之後否認有份參與，而陳汝騫就一早瓜老襯[15]。
2021年9月，佢成為香港特別行政區選舉委員會委員(港區全國政協委員)[16]。
馬主生涯
編輯佢曾經喺香港賽馬會做馬主，曾經以個人名義擁有「冠昌之星」（個名係為咗紀念契爺何冠昌），亦都同元彪、曾志偉一齊以「二十五月團體」名義擁有「心常樂」、「有何不可」。
參考
編輯- ↑ 〈成龍獲封馬來西亞拿督 戴馬來傳統帽拍照. 中國日報中文網. 2015-02-02〉。原先內容歸檔喺2015-02-18。喺2015-06-15搵到。
- ↑ 〈一九九九年授勳名單〉 (新聞稿) (繁體中文)。香港政府新聞公報。1999年7月1號。原先內容歸檔喺2019年5月22號。喺2020年3月17號搵到。
- ↑ 〈東森新聞‧〈成龍拍戲用替身 香港武術指導導演羅禮賢爆料〉‧2007年4月4號〉。原著喺2008年1月19號歸檔。喺2008年2月2號搵到。
- ↑ 〈自由時報‧〈特技演員踢爆成龍拍戲用替身〉‧2007年4月4號〉。原著喺2008年2月29號歸檔。喺2008年2月2號搵到。
- ↑ 〈新華網‧〈成龍心聲：好萊塢不是我的天下〉‧2004年9月3號〉。原著喺2007年11月9號歸檔。喺2008年2月2號搵到。
- ↑ 〈存档副本〉。原先內容歸檔喺2020年8月20號。喺2020年8月20號搵到。
- ↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
- ↑ 〈香港再出發大聯盟團結各界〉。www.takungpao.com.hk。喺2023-11-09搵到。
- ↑ 〈歷屆香港傑青〉 (繁體中文)。國際青年商會香港總會。原著喺2018年8月9號歸檔。喺2020年3月16號搵到。
- ↑ 〈香港浸會大學 – 榮譽博士及榮譽大學院士〉 (繁體中文)。香港浸會大學。原先內容歸檔喺2018年7月2號。喺2019年12月22號搵到。
- ↑ 〈陳港生(成龍) CHAN Kong-sang, Jackie 1998 榮譽院士〉 (繁體中文)。香港演藝學院。原先內容歸檔喺2020年3月27號。喺2020年3月16號搵到。
- ↑ 〈撐警朱庭萱指藝人9成是「藍」-警察連交友食飯人權都冇嗎〉 (繁體中文)。明報。2020-02-18。原著喺2020-02-19歸檔。喺2021-03-30搵到。
- ↑ 〈文藝界2600人聯署支持立法 - 香港文匯報〉。paper.wenweipo.com。原著喺2021-05-22歸檔。喺2022-09-19搵到。
- ↑ 〈文化演藝界3千多人及團體表態支持國安法立法 - 雪花台湾〉。www.xuehua.tw。原著喺2022-09-20歸檔。喺2022-09-19搵到。
- ↑ 〈成龍挺港版國安法 聯署聲明驚現死者名字 - 大紀元〉。《大紀元 www.epochtimes.com》 (繁體中文)。2020-06-01。喺2022-09-19搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
出面網頁
編輯
- 成龍嘅官方網站
- "Academic Staff" (英文). 香港理工大學酒店及旅遊業管理學院.（"CV" (PDF).）
- 成龍喺香港影庫嘅資料（香港繁體）
- 成龍喺互聯網電影資料庫嘅資料（英文）
- 成龍 at AllMovie
- 成龍喺豆瓣電影嘅資料（簡體中文）
- 成龍喺時光網嘅資料（大陸簡體）
- 香港網絡大典：成龍
- 成龍嘅facebook頁
- 成龍嘅新浪博客頁面
- 成龍嘅新浪微博
- 成龍嘅Twitter