勝海舟

日本武士,政治家

勝海舟(日文:かつ かいしゅう,1823年3月12號1899年1月19號),又叫勝安芳,乳名麟太郎,原名勝義邦海舟,係日本江戶時代尾嘅政治人武士,第一代海軍卿。榮譽係正二位勳一等伯爵。佢同山岡鐵舟高橋泥舟合稱做「幕末三舟」,而武士坂本龍馬係佢嘅弟子。

勝海舟

經歷 編輯

早年 編輯

1823年,勝海舟響江戶本所龜澤町[a]嘅屋企[b]出世,老豆係旗本勝小吉,嗰時佢叫勝義邦,乳名麟太郎

太公銀一係一個響越後國三島郡長鳥村某個窮人家出世嘅盲人,大個咗憑住響江戶放高利貸而發咗達,之後撈到個「米山檢校」呢個位(而後人都叫佢做米山檢校)。而銀一個大仔平藏創立男谷家,後嚟男谷家升為世襲旗本家,後嚟升做旗本。老豆小吉係平藏個細仔,不過佢畀老豆到另一個世襲旗本家勝家(亦係小普請組嘅小旗本)做婿養子,因此海舟就係姓勝喇。

1829年,佢識到男谷家嘅親戚、第12代幕府將軍德川家慶個仔初之丞(即後嚟嘅德川慶昌),仲做咗老友,佢同慶昌做老友只不過係為咗第日方便做官。但係慶昌早死,所以呢個諗法就算數。同年,老豆隱居,佢繼承家督。後嚟海舟搬到赤坂到住。

修行時代 編輯

開頭佢係響老豆嘅本家男谷家到修行,跟住堂大佬男谷信友修行。期間,佢曾經畀咬,咬住佢條金玉(即係指),病咗成七十幾日,老豆忍唔住用一大堆凍水淋落去,最後佢竟然好返,不過之後佢一直驚狗。

後嚟,佢改為跟島田虎之助到佢個道場學劍,得到咗直心影流劍術證書,之後仲學埋。之後佢又拜若山勿堂做師父,學到兵學山鹿流。另外,佢又想學蘭學(即係學荷蘭嘅嘢),因此去見箕作阮甫,但人哋唔收佢,所以佢改為拜永井青崖做老師,又響人哋屋企到住。1846年,佢搬去氷川神社。

響學蘭學期間,佢用一年時間抄咗兩本同樣嘅字典,一本用嚟賣,另一本自用。蘭學家佐久間象山知道之後就好欣賞佢,仲叫佢去學西洋兵法,而佢學完之就響田町開蘭學同埋西洋兵法嘅私塾。佐久間象山好睇起佢,就送咗佢一個篆刻,上面寫住「海舟書屋」,而後嚟佢將頭兩個字改做自己嘅號「海舟」。

長崎海軍傳習所時代 編輯

1853年,馬修培理嚟到日本要求開國,老中阿部正弘想鎖國但又冇膽去做,所以佢向全國人收集意見書。勝海舟都有份上意見書,畀阿部正弘同埋幕府海防掛大久保一翁睇到後就好睇起佢,從此佢就有咗轉機。

勘定奉行石河政平應大久保一翁嘅要求,將勝海舟編入長崎海軍傳習所。因為海舟識荷蘭文,所以一升就升佢做所長。但係海舟之前並冇學過關於海軍嘅嘢,所以都幾嫌棄呢個職位,但係睇在幕府上就冇辦法。

雖然海舟對海軍嘅嘢唔係好叻,但後嚟佢都學到一啲。薩摩藩主島津齊彬聽到後就好睇起佢,仲同佢深入交流,而佢同勝海舟第日嘅人生有好大影響。

訪美 編輯

 
當時響三藩市嘅勝海舟

1860年,日美通商條約獲得批準,幕府決定派人去美國。而小栗忠順就揀咗勝海舟出去。

編輯

  1. 即依家東京都墨田區兩國。當時龜澤町同依家墨田區龜澤町並唔係同一度地方。
  2. 呢度嘅屋企係指緊佢老豆勝小吉嘅實家。勝小吉原本姓男谷,係勝家嘅婿養子。