北林區

中華人民共和國 > 黑龍江省 > 綏化市 > 北林區

北林區（粵拼：bak1 lam4 keoi1）係中國黑龍江省綏化嘅市轄區。面積2723km²，人口89.9萬（2012年）。郵編152000。區府駐北二西路。

史

• 北林地方原先係北方遊牧民族嘅領地，周代以前屬肅慎，戰國時屬貉地，漢代時屬穢地，三國時屬扶餘，晉代屬寇漫汗國，後魏、北齊時屬豆莫婁，隋朝屬靺鞨黑水部，唐代屬黑水部北柵，五代時歸契丹，金代屬女真（會寧府轄），元代係蒙古斡赤斤領地（合蘭府轄），明代受奴兒干都司轄，清代時係索倫部領地（黑龍江將軍呼蘭廳轄）。
• 後來闖關東嘅移民來到呢度墾殖，1862年（同治元年）開發成鎮。當時呢度有三處圓形樹林，以泥河爲界，河南叫「南圍林子」，河北叫「腰圍林子」，最北嘅叫「北圍林子」。後來北圍林子發展爲綏化市區，「北林」呢個名就係取自北圍林子（bak1 wai4 lam4 zi2）。
• 1885年5月17號（光緒十一年）設理事通判廳，定名爲綏化廳。「綏化」（綏讀須，seoi1 faa3）嘅意思，有兩種解釋：一係出自綏楞閣山（又叫綏林閣山）；二係中文「吉祥安順」嘅意思。
• 1887年（光緒十三年）劃分城基，起城牆，開咗四個城門。
• 1905年1月29號（光緒三十一年）綏化廳升為綏化府。
• 1913年1月23號，黑龍江省都督府按各府、廳、州一律改縣嘅規定，綏化府改爲綏化縣。
• 1946年10月到1947年2月間，綏化縣東部曾經劃出做綏東縣（綏東縣府駐雙河鎮），後來合併。
• 1982年12月18號，綏化縣撤換爲綏化市（縣級），隸屬綏化地區，撤銷轄下綏化鎮、城郊公社，改設6條街道。
• 1999年12月28號，縣級綏化市撤換爲北林區，而之前隸屬嘅綏化地區改爲地級綏化市。

政區

北林區轄6條街道、12個鎮、6個鄉、2個民族鄉、1個單位

• 街道：紫來街道、愛路街道、大有街道、吉泰街道、東興街道、北林街道
• 鎮：寶山鎮、綏勝鎮、西長發鎮、永安鎮、太平川鎮、秦家鎮、雙河鎮、三河鎮、四方臺鎮、津河鎮、張維鎮、東津鎮
• 鄉：連崗鄉、新華鄉、興福鄉、東富鄉、三井鄉、五營鄉
• 民族鄉：紅旗滿族鄉、興和朝鮮族鄉
• 單位：綏化局直

攷

• 北林區府