十三經註疏

《十三經註疏》（疏讀梳陰去聲）係集合《十三經》嘅註同疏。

史

《十三經》之中各經因為年代久遠，漢同以後學者做好多註釋，通常叫注（即係註）或箋。之不過，去到唐宋，連註釋都唔係咁易明，唔單止正文要再解，連注都要解，呢啲就叫疏或者正義。南宋之前，註同疏係各自一本。南宋時，《十三經》定形，同時會將註同疏合印。

南宋紹熙年間，開始有將舊時權威《十三經》注、疏合刊本，形成一整套經書，同其註文，叫《十三經註疏》，後復有十行本。到咗明嘉靖中有閩本，據十行本重刻。之後萬曆間，有監本，據閩本重刻。明末崇禎時，有毛氏汲古閣本，據監本重刻。之不過，監本同汲古閣本，輾轉翻刻，訛謬百出。清初有武英殿本。到咗嘉慶年間，阮元主持重刻《十三經註疏》，集宋本重刊，以十行本為主，並廣校唐石經等古本，撰《校勘記》，附於諸經卷末，號為善本，係各本《十三經註疏》最好一本。

各卷

善本《十三經註疏》各卷：

序號	書名	卷數	註者	疏者	校勘者
一	《周易正義》	一十卷	【魏】王弼、韓康伯注	【唐】孔穎達等正義	【清】李銳校
二	《尚書正義》	二十卷	舊題【漢】孔安國傳	【唐】孔穎達等正義	【清】徐養原校
三	《毛詩正義》	七十卷	【漢】毛亨傳，鄭玄箋	【唐】孔穎達等正義	【清】顧廣圻校
四	《周禮註疏》	四十二卷	【漢】鄭玄注	【唐】賈公彥疏	【清】臧庸校
伍	《儀禮註疏》	五十卷	【漢】鄭玄注	【唐】賈公彥疏	【清】徐養原校
六	《禮記正義》	六十三卷	【漢】鄭玄注	【唐】孔穎達等正義	【清】洪震煊校
七	《春秋左傳正義》	六十卷	【晉】杜預注	【唐】孔穎達等正義	【清】嚴傑校
八	《春秋公羊傳註疏》	二十八卷	【漢】何休注	【唐】徐彥疏	【清】臧庸校
九	《春秋穀梁傳註疏》	二十卷	【晉】范寧注	【唐】楊士勳疏	【清】李銳校
一十	《論語註疏》	二十卷	【魏】何晏集解	【宋】邢昺疏	【清】孫同元校
一十一	《孝經註疏》	九卷	【唐】玄宗禦注	【宋】邢昺疏	【清】臧庸校
一十二	《爾雅註疏》	一十卷	【晉】郭璞注	【宋】邢昺疏	【清】臧庸校
一十三	《孟子註疏》	十四卷	【漢】趙岐注	舊題【宋】孫奭疏	【清】李銳校。