十六分音符

  想搵ViuTV電視節目嘅話，請睇十六分音符 (電視節目)。

音樂上，十六分音符（美式英文：Sixteenth note，英式英文：Semiquaver）嘅音符時值係全音符十六分之一。佢長度係八分音符嘅一半，卅二分音符嘅兩倍。佢個樣係實心卵形，加支柄，柄尾右面加兩條尾。如果響中間綫以上，柄向下，兩條尾彎上。中間綫或者以下，柄向上，兩條尾彎落。如果有幾個八分音符或者十六分音符等等之下嘅音符，就會唔畫條尾，每條尾改用支擔連住。

十六分音符柄向上，十六分音符柄向下，十六分休止符

四個十六分音符連埋一齊

十六分休止符係同十六分音符咁長嘅休止符，個樣似個兩細7字上下連埋，上7放響第二間同第三間度，下7放響第三同第四間度。