半山洲

半山洲（英文Pun Shan Chau），香港一地，亦係一村，處於大埔南面谷地，喺碗窰河嘅東面。東面有山脈阻隔，山後有黃宜坳、大埔海。山起自谷口荔枝山，由荔枝山起，山脈圍住半山洲。半山洲處於谷中半山，有大涌流入碗窰河。涌與碗窰河間亦有一脈，過脈越水，西面到新屋家。半山洲西南山處有老劉屋，遠入深山為打鐵岃。半山洲村處於半山高處，由於田地依山而開，有其他村屋分散半谷。半山洲村西旁有私人屋苑，叫山頂花園。東面有道觀，名蓬萊閭苑，為本地名勝。

半山洲雖則有馬路，就係無公共交通，唔係坐私家車同坐的士，就只有行路上山。馬路分自碗窰路，近荔枝山村路口。山路甚多，除咗去黃宜坳，亦可行去松仔園、大埔滘等地。

英國人入主新界時，已記有半山洲村，故此亦係原居民村，歸入大埔鄉事委員會。