大埔滘(英文Tai Po Kau)係香港一地,響大埔以南。大埔滘主要有大四條,聚埋流入大埔海。佢個名來自涌口叫大埔滘嘅村,佢哋見呢處近大埔,而涌口匯集,就叫佢做,叫大埔滘。家下嗰處重有大埔滘老圍同大埔滘新圍。呢處曾經有火車站碼頭

因為呢區比較周圍出名,由呢處北到大埔新市鎮一帶,起咗啲樓,都當係大埔滘地方。

行政上,大埔滘歸大埔區管。村歸翕和鄉大埔鄉事委員會

地理

大埔滘之所以成滘,係因為佢對上係個大,畀佢可以有四條涌合流。

大埔滘有老圍新圍。大埔滘老圍(Tai Po Kau Lo Wai)喺滘東,原本就咁叫大埔滘,後尾分支,滘南開大埔滘新圍(Tai Ko Kau San Wai)。

交通

英人起九廣鐵路嗰陣,經過呢度。佢哋響度大埔滘東北岸邊,起咗大埔站,後尾個站改名大埔滘站。個站側邊,曾經有大埔滘碼頭,去到大埔海各個地方。到1970年,個站拆咗做九廣鐵路員工宿舍。碼頭無咗個站,同埋鄉郊人口息微而沒落。碼頭後尾因爲起吐露港公路填出,向東移到新岸。

呢處交通主要靠大埔公路,分段名叫大埔滘段。條路響大埔滘山上,南通沙田九龍,北通大埔粉嶺。大埔公路係廿十世紀初起嘅路,灣灣曲曲,又窄,唔啱現代公路標準。所以沙田到大埔之間,開多條吐露港公路。公路經過大埔滘,同九廣鐵路並排。之不過車唔停大埔滘,交通始終都係靠大埔公路。

吐露港公路海皮,有單車徑經大埔滘。單車可以穿過公路底,踩入大埔滘。

康樂

呢度屬大埔滘自然保護區,區域市政局起咗大埔滘公園,公私合營。