大東門 (香港)

大東門（粵拼：daai6 dung1 mun4；英文：Tathong Channel／Tathong Moon／Tatung Mun）係香港東南面海門之一。佢有多個名，因南佛堂之故，又叫南堂門（naam4 tong4 mun4）、南佛堂門（naam4 fat6 tong4 mun4）、南堂海峽（naam4 tong4 hoi2 hap6；Nam Tong Hoi Hap），官方因而誤寫爲藍塘海峽，而《香港雜記》亦誤翻爲大東門嘅英文，爲唐字大王海頸。

大東門（左為佛堂洲，右為小西灣）

地理

大東門喺香港島、南佛堂（又名東龍島）同佛堂洲之間，係廣東沿岸水路要道之上。

佢西便有鯉魚門入維多利亞港兩岸嘅香港同九龍市區，再西行去澳門或廣東省城。東面有佛堂門經西貢以南去廣東東岸。北面可入將軍澳。南行直出南海。

名

大東門查實原本係同佛堂門混用，四通八達。大東係講方位同佢大細，而佛堂係有因為呢處有南北佛堂。家下就將挨近香港島嘅叫大東門。而佛堂門就留畀清水灣半島佛堂角同南佛堂之間嘅海門。

而南堂海峽之名，因為南佛堂而來，所以叫南堂海峽。近年誤寫做藍塘海峽。

註

東龍島西岸山腰西望大東門。正對岸左為石澳，右為小西灣，另最右方地為九龍半島同清水灣半島南端