開主選單
(鏡頭向東)石澳半島,半島突出嘅岬角係石澳山仔。對開海面左起分別係冇名嘅礁石、大頭洲五分洲

石澳粵拼sek6 ou3)係香港一笪地方,喺香港島東南面,東面對海。佢夾埋石澳郊野公園鶴咀石澳半島上面,自成一角,面向南中國海。石澳景色優美,環境清靜,唔少粵語流行曲音樂短片都會去呢度取景。行政上,選區上係響南區赤柱及石澳(D17)。

目錄

石澳泳灘

石澳泳灘位於香港島東南部。根據環境保護署嘅泳灘等級制度,石澳泳灘屬於二級泳灘,水質一般。泳灘水清沙幼,鄰近有食肆同燒烤場。所以,好多人趁假日到呢度暢泳、燒烤。另外,灘上嘅峭壁都係攀岩嘅好地方。

石澳泳難地處偏僻,交通唔方便,得新巴9號綫,由筲箕灣開到。泳灘附近設有唔少停車場,一啲人都會揸私家車去。

由於石澳遠離煩囂,石澳泳灘周圍嘅環境重保留住自然風貌。呢個係石澳吸引嘅地方。

石澳磷光 (海火)

年年初春,西曆二三月,石澳正灘出現海火,泛磷光,一年只有一次。[未記出處或冇根據]

交通

石澳道──連接大潭道,通去赤柱柴灣

石澳設有免費嘅公共停車場。

新世界第一巴士

小巴

  • 紅色小巴:筲箕灣—石澳

睇埋

參考

出面網頁