壽星
(由南極老人跳轉過嚟)
「壽星仔」跳轉到呢度。想搵香港漫畫，請睇「壽星仔 (漫畫)」。 「壽星公」跳轉到呢度。想搵煉奶牌子，請睇「壽星公 (牌子)」。 呢篇文講神仙。想搵第二個意思嘅話，請睇壽星 (搞清楚)。壽星係一個可以畀人長壽嘅神仙，唐人拜佢係求長命百歲。民間一般將福星、祿星同壽星夾埋一齊叫福祿壽三星。因為壽星同長命有關，所以好多時就叫長命嘅老人做壽星。後尾重變成叫做生日嘅細路做壽星女、壽星仔、壽星妹。
壽星，又叫壽星公，就係南極老人，所以南極老人尊稱做叫南極老人壽德星君。南極老人又叫南極仙翁。南極老人之所以叫南極，其實係同天文有關。南極老人其實係一粒恆星，響天球南半近底之處，所以住響北半球唐人一睇，就好似響最南之處，所以叫南極，但唔係今日講嘅天球南極。呢粒恆星又有兩個名，叫南極星或者老人星。
拜祭
編輯響先秦杜、亳已經有壽星祠，拜佢來祈福壽[1]。南極老人原來係管國運，國命長唔長。到周時已經擴大變成管人長唔長命。秦漢都有為佢起祠。
到咗今時今日，福祿壽三星會做成瓷公仔，放響屋企，寓意成家都有福祿壽。
俗語
編輯廣東話俗語有謂『壽星公吊頸』，即係話人『嫌命長』，話人唔知到危險，唔知死。另外重有『倒米壽星』。