唐人

  想搵第二個意思嘅話，請睇唐人 (搞清楚)。

  「漢人」跳轉到呢度。想搵其他用法，請睇「漢人 (搞清楚)」。

  想睇嚴格定義上嘅種族，去漢族；想睇官方提出嘅中國民族，去中華民族；想睇國家認同，去中國人。

唐人（粵拼：tong4 jan4）指有中國血統（主要係漢族）嘅民族。喺南方人嘅角度，唐人同北方人講嘅「漢人」同近代講嘅中國人類似。南方人自稱「唐人」，而北方人就自稱「漢人」，因為清朝嗰時廣東、福建等地方嘅人太多，缺乏糧食，所以唔少人都會出海外搵食謀生。佢哋喺外地多數會住埋一齊，互相幫忙，逐漸就形成一個社區，即「唐人街」。

「中國」係中華民國初期提議出來嘅一個概念，係由帝國概念轉做國家概念，首先劃定一個中華民族，然後有一國一民族嘅中國人。而唐人概念就係以鄉土，以大江南北為歸屬嘅人。唐人有時亦會稱呼為華人。

華人各族群之間嘅血統、語言、同文化差異相當大，所以有咗民系（又嗌做「次民族」）呢個概念嚟將華人分類。好似係講廣東話、血統屬古漢人加南越人嘅廣府民系，就係其中一個比較出名嘅華人民系，佢哋亦都係廣東、廣西東部、香港、同澳門嘅主要族群。