南澳縣

  「南澳鎮」跳轉到呢度。想搵舊時廣東深圳龍崗嘅南澳鎮，請睇「南澳 (龍崗)」。

南澳縣喺中國廣東，家下係汕頭市嘅縣。佢舊時係個鎮，叫南澳鎮，大清時轉做廳，叫南澳廳，後尾又轉做縣。

南澳成個縣都係島。

地理

山

南澳南便有金山。東南有雲蓋山。

水

南澳四面濱海。海中有北臘嶼、虎嶼。西南有赤嶼、白嶼，有鹽田出鹽。。

史

大漢

大漢元鼎六年，即係公元前111年，南澳呢帶係南海郡揭陽縣管。

大明

大明萬曆三年，1575年，設南澳副總兵，分廣東、福建兩營。

大清

大清時原本成個南澳鎮分四澳，雲澳、青澳歸福建詔安管；而隆澳、深澳歸廣東饒平管。

康熙二十四年，1685年，升設總兵。喺雍正十年，1732年，喺處置海防同知，做南澳廳治，將深澳劃入來。個廳就歸潮州府。當時有南澳巡司。。

民國

民國元年，1912年7月改南澳廳為南澳縣。1914年10月，全縣由廣東、福建分治，改歸廣東省管。1927年，縣城從深澳移至隆澳，即係後宅。