南越國宮署遺址
| 南越國宮署遺址 | |
|---|---|
| 中華人民共和國 全國重點文物保護單位 | |
| 喺邊 |  中國廣東省廣州市 |
| 類 | 古建築同歷史紀念建築 |
| 時代 | 秦、西漢 |
| 冧 | 4-35 |
| 登錄 | 1998年 |
| 地圖 | |
 | |
1996年11月20號，呢個遺址俾人列入咗全國重點文物保護單位。甚至喺2006年6月11號向公眾開放部分修復好，大概差唔多3,000幾平方米嘅遺跡，同埋10,000幾件發掘品入面揀出嘅靚文物，重向公眾展覽。而入面嘅總面積有15萬平方米咁大。
發掘史 編輯
喺1995年，嗰時嘅廣州市兒童公園[1]俾基建工地發現咗個大型石砌水池響度。後嚟經過初步調查，水池面積有差唔多4,000㎡咁大，而水池入面嘅建築都係嗰時中國內地第一次發現嘅石構建築，結果俾人話咗係秦漢時期嘅南越國王宮遺址。結果嗰年嘅南越國宮署遺址列入咗中國十大考古發現[2]。甚至喺1996年嗰陣，喺石池嘅西邊又發現咗整得比較好嘅南越國食用水井。甚至重喺1997年，就喺信德文化廣場嘅工地度發現咗條150米，從西向東延伸嘅曲流石渠。而喺石渠最東面嘅彎月形水池入面重發現咗幾百隻龜鱉嘅殘骸，而石渠入面重有果核同樹葉都有。而啲水喺石池度流出嚟，經過石渠之後，再通過木質嘅暗槽口先至流入珠江。而呢條石渠就俾考古隊估係南越國宮署入面嘅御花園，重俾人話係中國最早嘅人造園林水景。收尾喺1997年，南越國御苑遺跡又列入咗中國內地十大考古發現入面[2]。
到咗2000年，考古工作退隊重喺御花園嘅遺跡西邊嘅兒童公園入面搵南越國有關啲嘢，點知又發現咗南越國宮殿遺跡。結果廣州市政府決定將兒童公園搬咗去而家嘅人民南路同一德路嘅交界度，而之前兒童公園度就交咗畀文物部門嚟搞全面嘅發掘。直到2002年9月，廣州市文物考古研究所、中國社科院考古研究所同南越王宮博物館籌建處一齊整成嘅發掘隊，就開始發掘之前嘅兒童公園嗰度。一直到2003年5月，Ⅰ區東邊同成個Ⅱ區已經俾人發掘到清代文化啲嘢出嚟，重搵出廣東布政司署、容豐倉、禺山書院同抗日戰爭嗰陣——日軍廣州神社嘅遺跡，就喺嗰年8月開始，考古隊繼續搵清代之前嘅文化啲嘢，重發現咗同唐宋元明時期差唔多嘅官署建築，同埋五代南漢國嘅大型宮殿遺跡出嚟[3]。直到2004年底，南越國時期嘅1同2號宮殿都發現咗。考古學家就話：「由於大漢初期嘅南越國出現咗噉嘅宮署，加上又冇乜攷文獻，所以我哋嚟發掘呢啲嘢嚟研究，唔使問阿貴，因為佢提供咗漢代宮署園林嘅超級珍貴實例。」[4]
宮殿嘅樣就按返西漢嘅長安城嚟整，有比較大規模嘅排水系統。而1號宮喺趙佗城嘅東南邊，嗰度嘅御花園好有可能按照按返長安城嘅長樂宮嚟整，而西邊2號宮嘅散水面度搵到嘅陶瓷碎片度，重寫咗「華音宮」3個字，啫係話之前2號宮可能係嗌華音宮。
而喺南越國宮殿遺址隔籬又發現咗南漢國宮殿嘅遺址。佢嘅建築面積有差唔多1,000平方米，而喺發掘現場西邊同南邊都搵到其他宮殿嘅石板磚地面出嚟。
發現咗嘅文物 編輯
南越國宮署遺址入面發現咗嘅重點遺址包括咗南越國宮殿、六朝嘅高臺建築、唐朝嘅磚砌路面、五代南漢國嘅宮殿同苑池、宋代大殿、明清布政司署、法國領事館同埋民國時期嘅日本神社，及胡漢民公園嘅遺跡。而喺南越國宮殿遺址中重發現咗好多繩紋板瓦、筒瓦、萬歲瓦、雲紋瓦、帶釘瓦、大型花紋磚、凹面磚等好多種建築材料出嚟，重有好多印住「官」、「公」、「宮」、「居室」啲嘢嘅瓦片，同埋一小部分有釉嘅繩紋瓦；同埋陶罐、盤、甕等生活用品，同埋黃釉陶鴟吻同埋南越木簡出嚟。
攷 編輯
- ↑ 舊時嘅廣州市兒童公園喺而家嘅中山四路，但係喺2000年搬咗去人民南路同一德路嗰邊，而家嘅廣州市兒童公園喺2014年6月1號搬咗去白雲新城入面。
- ↑ 2.0 2.1 历年十大考古发现名单
- ↑ 广州儿童公园附近发掘出罕见南汉宫殿遗址[失咗效嘅鏈]
- ↑ 南越国遗址又有重大发现一号宫殿见天日[失咗效嘅鏈]