印度野牛

印度野牛（Gaur，Template:Pron-en；學名Bos gaurus，前名 Bibos gauris），又叫做褐牛、白臀野牛、野牛、白肢野牛、野黃牛、白襪子、亞洲野牛等，係現存最大隻嘅野牛品種。馬來文叫佢做「斯拉單」（Selandarg）。

How to read a taxobox 印度野牛
布朗克斯動物園（Bronx Zoo）所養嘅印度野牛
瀕危指標
易危 (VU)
物種分類
界 動物界 門 脊索動物門 綱 哺乳綱 目 偶蹄目 科 牛科 亞科 牛亞科 屬 牛屬 種 B. gaurus
二元學名
Bos gaurus Smith, 1827

亞種同分布

分布喺亞洲南部同東南亞，喺中國只分布於雲南南部。呢種野牛可因應分佈地再細分幾個亞種：

• 指名亞種（分布喺印度和尼泊爾） Bos gaurus gaurus
• 老撻亞種（分布喺緬甸、老撻同中國） Bos gaurus laosiensis
• 雲南亞種 Bos gaurus readei
• 馬來亞種（分布喺泰國同馬來西亞） Bos gaurus hubbacki
• 大額牛（雲南西北部） Bos gaurus frontalis

特徵

大隻，身長200厘米，尾長70—105厘米，重1500千克，肩高190—220厘米，係現生牛類中,體形最大一種。體毛大都係啡色、黑色，鼻同嘴唇呈灰白，四肢膝蓋以下係毛白色，故又名白襪。公同乸都有角，但公細隻啲。公嘅雙角彎度好大，由額骨高起嘅棱上生出，先垂直上升，再向外彎，又向上，最後角尖又向內並略向後彎轉，長度可達60—75厘米。

習性

印度野牛一般喺朝早同黃昏時份活動。夏季會喺海拔高嘅山上，冬天反而逐漸返落地面。鍾意群居生活，通常每群有10-30隻，由乸、幼仔同亞成體組成，當中有一隻較大隻嘅野牛乸做首領。成年野牛公喺一年嘅大部分時間都係獨自棲息，直到交配時期先同牛乸接觸。性情凶猛。食草、樹葉、嫩枝、竹筍同樹皮等，又不時舔食鹽。聽覺同嗅覺都好靈敏。孟加拉虎係成年印度野牛嘅主要天敵。

繁殖

喺9-10月交配，牛公之間會打餐死，並大聲咆哮，1公里以外地方都聽得到。懷孕期9個月，每胎1仔。幼仔體色係淡褐色或赤褐色。2-4歲性成熟。有20—30年命。

棲息地

棲息喺熱帶、亞熱帶嘅山地森林同草原，最高可達2000米左右。離水源唔遠嘅地方。

繁殖動向

早喺19世紀已經有動物園開始飼養印度野牛。好多動物園都單一養佢哋，但係只要有一定嘅活動空間嘅話，可以同其他品種嘅動物混埋一齊養。雖然起初好難養同令佢哋成功繁殖，但華盛頓國家動物園最後亦喺1940年代成功繁殖印度野牛，當時牛乸懷孕期大約270~280日。

截至1998年12月31號，全球大約有160隻印度野牛喺北美洲、歐洲同東南亞嘅動物園度住。而現時最大嘅野牛群落係喺加州嘅聖地牙哥動物園度，新加坡嘅野生動物園係第一個利用夜間環境作為飼養場嘅動物園。

狀況

印度野牛屬易危品種，屬中國一級受保護動物。目前只有36000隻野牛住喺分布地。

複製失敗

2001年1月，包括香港人陳永生在內嘅一班美國科學家，利用生物複製技術，成功創造全球第一隻印度野牛，並改名叫做「諾亞」，但唔夠兩日就死於痢疾。

資料來源

• 《中國珍稀動物》
• 「首隻複製瀕危動物兩日夭折」，2001年1月，明報