原子質量單位

原子質量單位（amu或者u）係原子或者分子質量嘅單位，定義做碳12原子質量嘅12份之一。

歷史

道耳頓最早建議用一個氫原子嘅質量來作為原子質量嘅單位。質譜儀嘅發明人弗朗西斯·阿斯頓後嚟用一個氧16原子質量嘅${\frac {1}{16}}$作為單位。

喺1961年之前，「物理原子質量單位」被定義做一個氧16原子質量嘅${\frac {1}{16}}$，而「化學原子質量單位」就被定義做一個氧原子（計埋不同嘅氧同位素豐度）質量嘅${\frac {1}{16}}$。呢兩個單位都比而家用嘅統一原子質量單位細少少。統一原子質量單位係由國際純粹與應用物理學聯合會（IUPAP）喺1960年以及國際純粹與應用化學聯合會（IUPAC）喺1961年所採納嘅。