反編譯器

反編譯器（粵拼：faan2 pin1 jik6 hei3 ），香港又有叫反組譯器或者反解器，係一種電腦程式，特徵係識得將行到嘅二進制格式檔案，轉化做高級程式語言源碼：喺廿一世紀初，啲人寫親程式通常都係用高級程式語言嚟寫嘅，高級語言例子有 Python 同 Javascript 等等；呢啲程式語言設計到對人類嚟講易睇易明，但係電腦唔會識睇由呢啲語言寫成嘅源碼，所以用呢啲語言寫成嘅程式實要用編譯器轉化，變成機械語言或者組合語言（低級語言）先會攞去畀電腦行；反編譯器就係一類特製工具，能夠將機械語言碼變返做高級語言嘅源碼。

基本概念

睇埋：編譯器

程式語言係一種用嚟教電腦做運算嘅工具。程式語言可以分做兩大種：高級程式語言同低級程式語言，當中高低係講緊抽象化嘅程度有幾高——低級程式語言嘅例子有機械語言同組合語言呀噉，呢啲語言抽象化程度低，寫到好接近電腦內部實際做嘅運算，但係對人類嚟講好難明。當中機械語言直頭可以係「完全由一大串十六進制數字組成」嘅，想像好似

A5 12 18 65 34

噉嘅碼，包含咗「將記憶體呢個位嘅數值，加落去記憶體嗰個位嘅數值嗰道」噉嘅指示。相比之下，高級程式語言就做咗高度嘅抽象化，寫到同電腦內部實際行嘅運算爭好遠，但係對人類嚟講易明，好似係以下噉嘅 Python 源碼：

a = 5 # 設 a 做 5
b = 4 # 設 b 做 4

print(a+b) # 「同我顯示出 a + b 得出嘅結果。」

編譯器做嘅，係攞住一啲以高級語言寫成嘅源碼，轉換做電腦「睇得明」嘅低級語言碼。反編譯器做嘅嘢就啱啱相反，攞住一段低級語言碼做抽象化，建構返一段功能相等嘅高級語言碼出嚟。

反解做法

内文：抽象化

睇埋：控制流程

主要用途

睇埋：還原工程同遊戲改檔

睇埋

• 遊戲改檔
• 停機問題

引述

英文詞彙：

引用來源：

外拎

• （英文） 薩爾達傳說 時之笛 畀人完全解譯咗，YouTube 影片講經典 N64 遊戲《薩爾達傳說 時之笛》畀人解譯咗。