反送中大遊行

反送中大遊行（主辦單位稱呼），又叫民陣第三次反逃犯條例修訂遊行，係民間人權陣線响2019年6月9號搞嘅第三次反對逃犯條例修訂草案（主辦單位叫佢做送中條例）公眾遊行。呢次遊行主辦單位宣稱有103萬人參加，警方就話高峰期有24萬人，而社會普遍都認同遊行人數多過2003年七一遊行嗰次，做咗香港主權移交後最大規模遊行（個紀錄喺7日後被超越）。遊行完咗嗰晚，政府繼續堅持唔會撤回草案，引發之後長時間嘅持續抗爭，而呢次遊行亦被視為反修例運動大規模爆發嘅伊始。