口語,或口講嘅說話,係用把口講出嚟嘅自然語言,除咗手語 [1]以外,全世界語言都係口語。

特色 編輯

口語嘅相對係書面語。最初人嘅語言係口語,文字出現,書面語跟住發展出嚟。

口語係自然語言係相對於人工語言嚟講嘅。之所以「自然」係因為口語直接講出嚟,唔似書面語可以有多多人工嘅規則,好似先生學生咁講:「呢編嘢嘅呢句唔啱文法,寫過」。最人工化嘅語言就係電腦程式語言(Computer programming language),係由人設計出嚟嘅。

語言學嚟講,口語直接顯露人講嘢嘅真正特色,而書面語言只係「修改過」嘅講嘢記錄,語言學家攞「口講嘅說話」嚟做資料,作出分析,事關佢哋認為日常嘅說話更真。從文法觀點嚟睇,口講嘅說話通常有自己嘅一套文法,有時同書面語言文法好唔同。

今時今日,重有啲語言係有得講但係冇得寫,即係有口語但係冇書面語。

睇埋 編輯

  1. https://journals.lww.com/thehearingjournal/Fulltext/2020/03000/The_Importance_of_Signed_Languages_for_Deaf.6.aspx