口語

口語，或口講嘅說話，係用把口講出嚟嘅自然語言，除咗手語 ^[1]以外，全世界嘅語言都係口語。

特色

口語嘅相對係書面語。最初人嘅語言係口語，文字出現，書面語跟住發展出嚟。

口語係自然語言係相對於人工語言嚟講嘅。之所以「自然」係因為口語直接講出嚟，唔似書面語可以有多多人工嘅規則，好似先生對學生咁講：「呢編嘢嘅呢句唔啱文法，寫過」。最人工化嘅語言就係電腦程式語言（Computer programming language），係由人設計出嚟嘅。

喺語言學嚟講，口語直接顯露人講嘢嘅真正特色，而書面語言只係「修改過」嘅講嘢記錄，語言學家攞「口講嘅說話」嚟做資料，作出分析，事關佢哋認為日常嘅說話更真。從文法觀點嚟睇，口講嘅說話通常有自己嘅一套文法，有時同書面語言文法好唔同。

今時今日，重有啲語言係有得講但係冇得寫，即係有口語但係冇書面語。