古洞站

古洞站係香港一個已經落實會起嘅港鐵站，喺上水至洲頭隧道中間，即東方附近，工程已建有預留結構，方便日後加建古洞站。

古洞站會服務計劃緊嘅古洞北新發展區，預計喺2023年動工，2027年啟用。

而計劃緊嘅北環綫將會連接錦上路站同古洞站，預計喺2025年動工，2034年通車同啟用古洞站北環綫部分。

2022年11月11號，政府刊憲批准興建古洞站。

2023年10月，運輸及物流局表示，古洞站項目成本預算約為98億元，當中包括古洞站建造成本約59億元，同北環線主線嘅開支，預計大約係39億元。 2021年政府提供嘅古洞站項目成本預算只係35億元。只係2年時間，古洞站預算就多咗24億元或上升接近六成。

車站結構

呢個站預留咗一個月台結構，可以喺短時間到安裝需要嘅設備做正式車站（但係就冇預留月台畀北環綫，將來要挖多一層月台）。喺地面，就起咗兩座通風大樓同緊急出口（入面有消防升降機同樓梯），其他地方就被石碴覆蓋。而家，古洞站叫做「緊急通道入口3號同4號」。

鄰接車站

	東鐵綫（第日）
金鐘 - 會展 - 紅磡 - 旺角東 - 九龍塘 - 大圍 - 沙田 < 火炭 > 大學 - 大埔墟 - 太和 - 粉嶺 - 上水 < 古洞 -落馬洲 馬場 羅湖

出面網頁

• 〈古洞站 - 港鐵北環綫項目〉 (中文)。