旺角東站
提示：呢篇文講嘅唔係旺角站。
旺角東站（粵拼：wong6 gok3 dung1 zaam6；英文：Mong Kok East Station），之前叫過油蔴地車站（注意「地」字有特殊地名變調，jau4 maa4 dei2 ce1 zaam6；Yaumati Station）、旺角車站（wong6 gok3 ce1 zaam6；Mongkok Station）；，係港鐵東鐵綫嘅車站，喺香港旺角聯運街。九廣鐵路一九一零年十月一號通車，嗰陣本站叫做油蔴地車站。一九六九年改名旺角車站。八十年代呢個站因應九廣鐵路電氣化而需重建，新車站喺一九八二年五月四號啟用。呢個站設有島式月臺一個，兩邊爲一號二號月臺，側式月臺一個，叫三號月臺。二零零七年十二月二號，兩鐵合併。為免同原地下鐵路旺角站撞名，原九鐵嘅旺角車站改名旺角東站。而彌敦道嘅旺角地鐵站，就唔變。
 旺角東站3號月台 | |
| 站名 | |
| 中文名 | 旺角東站 |
| 英文名 | Mong Kok East Station |
| 站代碼 | MKK |
| 基本資訊 | |
| 座標 | 22°19′20″N 114°10′22″E / 22.322187°N 114.172750°E |
| 車站色 | 白色 鉻綠 |
| 途經路線 | 東鐵綫 |
| 站服務時間 | 0518-0119 尾班車時間 |
| 接駁交通 | 巴士、小巴 |
| 車站結構 | |
| 站類 | 架空 |
| 月台類 | 1島式月台 1側式月台 |
| 月台數 | 3 |
| 出口數 | 3 |
| 其它設施 | 其它無障礙設施 |
| 地圖 | |
 | |
旺角東站同旺角站，兩站唔通，要過行人天橋系統，行兩三個字。兩站間轉搭無論用八達通定單程車票都當兩段車程，入閘要畀過錢，唔似尖沙咀站同尖東站噉出站轉乘之後當一程車嚟計車費。
車站結構
編輯車站樓層
編輯| - | 上蓋物業 | 新世紀廣場 |
| M 閣樓 |
閣樓 | 職員專用區域、車站商店（快餐店） |
| C 大堂 |
大堂 | 出口、公共運輸交匯處 |
| 客務中心、洗手間 | ||
| 車站商店、自動售賣機、自動照相機 | ||
| 自動櫃員機、「e分鐘著數」機 | ||
| P 月台 |
- | 港鐵旺角貨場 |
| 路軌 | ||
|
往羅湖/落馬洲（備用月台） | |
| 島式月台，左／右邊嘅車門將會打開 | ||
|
往羅湖/落馬洲 | |
| 路軌 | ||
| 路軌 | ||
|
往金鐘 | |
車站月台
編輯旺角東站設有3個月台，以1個島式月台同埋1個側式月台排列，所有月台冇裝月台幕門。1號同2號月台共用同一個島式月台，主要處理東鐵綫往上水方向嘅列車，有部份（兩班）由新界開出嘅列車用1號月台為南行方向嘅終點站，並隨即分別折返大埔墟及火炭，間中都有部份列車停喺嗰個月台。3號月台係側式月台，主要處理東鐵綫往金鐘方向嘅列車。
旺角東站喺早期興建時月台較窄，畀乘客等車嘅空間較少。加上車站嘅彎度較高，為咗遷就唔同闊度嘅列車駛經月台，故此列車同月台之間條罅較大，成為東鐵綫其中三個設有「空隙黑點」提示嘅車站之一（另外兩個係九龍塘站同埋大學站）。由於乘客容易喺嗰個站發生墜軌等意外，現時港鐵公司研究喺嗰個站安裝月台伸縮板同埋月台閘門嘅可行性，但目前計劃一直未有動工時間表。
車站大堂
編輯車站商店及自助服務
編輯旺角東站喺2009年翻新前主要商店有美心MX、7-11便利店、美心西餅同找換店。車站進行翻新工程後，引入多種唔同類型商店，包括飾物、書店及個人護理店等。
車站商店編輯 |
自助服務編輯 |
車站出口
編輯鄰接車站
編輯| 東鐵綫 | ||||||||
| ||||||||
接駁交通
編輯
.JPG)
利用狀況
編輯
由於旺角東站上蓋設有大型綜合商業物業發展項目──新世紀廣場嘅購物商場以及寫字樓，而附近又有花墟，再加上有有蓋行人天橋系統接駁到彌敦道同埋旺角站一帶購物區及商業大廈，因此個站有好高乘客量支持。
車站歷史
編輯 
命名、啟用同第一次更名
編輯旺角東站最初叫「油蔴地站」，同而家旺角東站位置相同，於1911年隨九廣鐵路（英段）通車啟用。1969年站名由油蔴地站改做「旺角車站」。1980年代，為配合九廣鐵路電氣化，旺角車站原址重建，變成而家咁嘅樣。
旺角貨場
編輯 旺角東站1號月台旁邊曾經有個貨物分流貨場，名為旺角貨場（英文：Mong Kok Freight Terminal），入口喺聯運街。後來因鐵路貨運服務萎縮而曾經空置，九廣鐵路公司遂以簽訂使用協議形式出租貨場，例如租過畀嘉士伯（香港）有限公司作為物流中心，亦曾引起質疑違反批地條款[1]。兩鐵合併後，港鐵喺大閘前嘅「旺角貨場」名前面加上「港鐵」兩個字，貨場亦名嘉士伯（香港）物流中心（英文：Carlsberg (Hong Kong) Logistic Center）。現時嘉士伯（香港）已遷出，貨場交返港鐵營運，港鐵有意用作替代停泊因沙中綫工程而改建紅磡貨場嘅東鐵綫工程車。
另外，1號月台嘅左邊係旺角貨場，喺九鐵時代因為貨運量下跌而棄用並由一間紙品公司租用作貨倉用途，兩鐵合併之後由嘉士伯公司租用。
車站翻新
編輯為配合新世紀廣場落成旺角東站曾經喺1997年進行過一次翻新同擴建工程，將成個大堂同埋月台翻新。
翻新月台
編輯兩鐵合併後，港鐵公司翻新東鐵綫各月台，以遮掩車站殘舊觀感。工程包括重新為各車站配主題色，並加入花嘅代表，為月台橫樑同埋柱翻上月台配色嘅油漆，貼上印有車站主題花嘅圖案、車站附近/主題建築物/街道、車站名書法字牆紙，加設/更新直立站牌、路線圖、指示牌、告示等等。此站配色為深綠色，主題花為蓮花，街景為女人街。
兩鐵合併
編輯車站藝術
編輯旺角東站設一組車站藝術品，位於大堂。
旺角東站車站藝術概覽[2]
  |
|---|
未來發展
編輯東鐵綫車站翻新工程
編輯港鐵公司為迎接東鐵綫營運百周年，決定為各個東鐵綫車站進行翻新工程，並以「融入大自然」嘅設計及建築概念，翻新各個車站。旺角東站將會優先進行翻新工程，包括車站大堂嘅天花將用特色環形通花吊飾設計，並使用更多石材，引入更多自然光，車站原有建築物料金屬感覺會減低，並會加建更多車站商店，重建客務中心以及改建A、B出口等工程，改建同翻新工程已經大致完成，成個工程響2010年12月完成。
車站重建
編輯兩鐵合併之前，九廣鐵路公司正研究重建呢個站，順帶擴建新世紀廣場等現有設施。當時九鐵預料重建後嘅車站將會喺現址南面，更接近旺角市中心以及位於彌敦道嘅旺角站，但計劃一直擱置至今。
上一站‧下一站
編輯| 上一站 | 港鐵 | 下一站 | ||
|---|---|---|---|---|
往金鐘
|
東鐵綫 |
列車班次
編輯| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|
|||||||||
|
|
|||||||||
|
|
|||||||||
出面網頁
編輯
- ↑ 〈九鐵變相租兩貨場地疑違例〉。《太陽報》 (繁體中文)。2002年11月29日。原先內容歸檔喺2021年3月23日。喺2012年1月23日搵到。
- ↑ 〈車站藝術建築－蝌蚪機群〉。港鐵。原先內容歸檔喺2014-11-10。喺2020-02-15搵到。