史思明（703年—761年），突厥人，係唐朝軍人，參與咗安史之亂。
現存史籍記載史思明係識講六種外族話，係安祿山嘅親信。公元752年，受到安祿山推薦，史思明出任咗平廬節度都知兵馬使，係高級將領。
755年安史之亂爆發，史思明率領咗三千人，佔據咗河北大部分地方。到安慶緒殺咗安祿山篡位，就畀安慶緒封王。由於史思明掌握十幾萬士兵，安慶緒成日都想剷除史思明，史思明就率領八萬士兵投降唐朝。
759年安慶緒因為畀唐朝軍隊包圍，搵史思明支援。史思明就率領大軍打敗唐朝，同時間殺死安慶緒，重自立為帝。
761年佢畀佢個仔史朝義殺咗。
