安慶緒（—759年），係唐朝軍人，安祿山個仔。
現存史書記載安慶緒性格內向，但騎馬射箭都一流，所以就幫阿爸安祿山做將領。安史之亂爆發，安祿山用唔到一年間由河北打到河南洛陽，自立皇帝，安慶緒就做咗「晉王」。
757年，安慶緒殺咗安祿山，自己做咗皇帝。佢任命大將史思明守住河北，自己繼續抵抗唐朝。但無耐唐朝收復咗長安同洛陽。安慶緒惟有退到附近嘅鄴城（即係今日河南安陽）。因為史思明手握大批精銳士兵，安慶緒覺得需要剷除佢。史思明就咁樣率領八萬士兵投降唐朝。
758年，唐朝不斷派兵進攻鄴城。安慶緒冇辦法，決定搵史思明支援。史思明率領十三萬大軍由河北走到鄴城，趕走咗唐朝軍隊。點知就喺呢個時候，史思明就殺死咗安慶緒，自立為帝。
