安祿山（703年—757年），營州柳城（今日遼寧朝陽）人，胡族，策動安史之亂。
安祿山本身係喺唐朝邊境地區生活。因為識六種語言，又熟悉當地，所以由742年計起，安祿山先後出任咗四個州郡嘅節度使，掌握咗今日河北一帶嘅軍政大權。當時奚族同契丹族不時攻過嚟，安祿山平定兩族有功，獲得唐玄宗重用。
當時楊國忠掌權，安祿山同佢不和。結果安祿山決定喺755年起兵攻打唐朝。唔使一年就攻咗洛陽，自立為帝，國號「燕」。唐玄宗因為無晒辦法，俾安祿山再攻入長安。唐玄宗危急之下，慌忙逃出京城，長安因此淪陷。
757年，安祿山俾佢個仔安慶緒殺死。
