吊水樓瀑布

吊水樓瀑布（粵拼：diu3 seoi2 lau4 buk6 bou6；簡化字：吊水楼瀑布）；第個名係鏡泊湖瀑布（粵拼：geng3 paak3 wu4 buk6 bou6；簡化字：镜泊湖瀑布），佢係中國黑龍江省牡丹江市入面，其中一個好出名嘅瀑布，喺寧安市嘅西南邊。佢既係世界上最大嘅熔岩氣窿式坍塌型瀑布，又係鏡泊湖景區入面最出名嘅景區。

吊水樓瀑布

概況

瀑布闊卌幾米，落差12米。一到咗雨季或汛期等呢啲水災高發嘅季節嗰陣，總闊可以去到200幾米，從斷崖以飛流直下嘅佛山跌落到深潭入面。佢嘅聲音好大，十里聽濤，氣勢恢弘。因為呢個瀑布整出嚟嘅氣窿喺坍塌咗之後，又經過剝蝕而搞出嘅深潭，直徑有成百幾米咁大。