同儕互評

  想搵粵文維基百科嘅同儕互評嘅話，請睇Wikipedia:同儕互評。

同儕互評，又叫同行評審，係某啲領域評審質素嘅方法，指某人做嘅嘢因為某種原因需要評一評嗰樣嘢合唔合格，做評審嘅會係做開嗰樣嘢嘅同行；用呢種方法嘅主要係有學術界同藝術界。

做緊同儕互評

喺學術界，一位學者嘅研究喺學術期刊發表之前，成果會由期刊交畀同一領域嘅其他學者睇一次先，確保研究質素符合標準，先可以出版。寫建議書問撥款機構攞資助亦一樣，建議書會畀有資格評份建議嘅同行睇過，評審嘅結果會係批唔批研究資金會嘅一個重要參考。

喺藝術界嘅情形都有啲相似。當藝術家寫建議書攞藝術資助嗰陣，評份建議書嘅亦都會包括有資格評佢嘅其他藝術家。