向秀麗
向秀麗（簡化字：向秀丽；粵拼：hoeng3 sau6 lai6；1933年5月13號—1959年1月15號），女，廣東清遠人。係何濟公製藥廠嘅公會委員，喺中華人民共和國成立咗之後加入咗中國新民主主義青年團。1958年入黨。1949年開始參加工作。到咗1958年因為廣州何濟公制藥廠發生咗火燭，嗰時佢因為搶救國家財產而燒傷，1959年1月15號死喺市第一人民醫院。
| 向秀麗 | |
|---|---|
| 出世 | 1933年5月13號 中國廣東清遠 |
| 死 | 1959年1月15號 中國廣東廣州 |
| 國籍 | 中國 |
| 職業 | 包裝工 |
| 出名原因 | 1958年12月13號晚黑嘅何濟公製藥廠火燭，佢唔理自己條命嚟救嗮成間工廠同周邊嘅居民而冇搞到單大爆炸出嚟。 |
生平
編輯- 1938年嘅廣州淪陷之前，5歲嘅向秀麗就跟嗮成家人去咗肇慶度避難，就喺嗰時因為饑荒同疾病，佢兩個哥哥、兩個家姐同一個細佬嘅命都冇埋，而向秀麗就逼住做咗地主屋嘅婢女。
- 1945年日本仔投咗降之後，佢做過童工、傭工，喺1948年返咗佢廣州嘅和平製藥廠嚟做臨工。
- 1952年，佢做咗廣州市和平製藥廠第一屆工會組織委員同埋女工委員。
- 1953年，廣州市團支部畀咗佢參加咗青工學習班，她學咗好多英雄人物嘅事蹟。喺嗰時重積極參加咗廣州市公私合營嘅社會主義改造，認真噉執行黨嘅方針政策嚟維護工人階級嘅利益。
- 1954年，佢參加咗共青團。
- 1956年公私合營之後，和平藥廠同何濟公藥廠合併，佢就做咗包裝工。不過佢唔講錢就做得好落力下。
- 1958年，工廠調佢去試下整甲基硫氧嘧啶嘅化學藥劑出嚟，結果佢掌握咗操作技術，喺試下整呢份藥劑出嚟嗰陣，發揮咗好好嘅作用。嗰年嘅10月，佢入埋黨重攞咗好多次先進工作者嘅稱號返嚟。
死
編輯喺1958年12月13號晚黑，由於何濟公製藥廠嘅4樓化工車間入面嘅甲基硫氧嘧啶小組就着嗮燈，而生產小組嘅三個包公頭——向秀麗、羅秀明、蔡秋梅幫手喺整緊嘅甲基藥劑度丼啲酒精落去。喺佢哋好集中噉搞緊嘢嗰陣就唔小心打爛咗一包裝住廿幾公斤嘅無水酒精玻璃樽，結果樽入面嘅酒精冚唪唥都漏嗮出嚟。結果酒精掂到工廠左邊嘅煤爐，結果煤爐咁啱喺度煲緊嘢，由於啲熱氣掂到啲無水酒精就着咗火。嗰時工廠嘅右邊角落頭度放咗7桶挾買差唔多有60幾公斤重，用煤油浸住嘅金屬鈉響度。而鈉係烈性易燃爆炸品，一掂到水或高溫就爆炸。而呢啲金屬鈉一爆炸就成個工廠都冧嗮，重影響到周圍嘅商業區同居民。就喺嗰時，向秀麗就唔理係生定死，同羅秀明一齊逳手，用最快速度將啲毛巾丼喺地度吸嗮啲酒精。佢重揼低個頭，用左手揸住條毛巾嚟撥酒精。結果啲火咁啱就捉到正佢嘅手同埋衫嘅酒精度。而蔡秋梅就衝咗上去幫向秀麗整熄啲火噉。但係佢向蔡秋梅話：「冇理我，快啲嗌人嚟救火啊！！！」結果火就猛咁燒，佢重頂住嚴重燒傷幫嗮過嚟搶救嘅人，最後令到工廠冇爆炸。雖然話救返嗮成間工廠同埋附近啲居民，但係向秀麗就嚴重燒傷，俾白車送咗去廣州市第一人民醫院度搶救。
向秀麗成身嘅燒傷面積去到67.25%，其中二、三度傷就有成64.75%，重差啲死咁滯，但係佢昏迷咗3日3夜之後就醒咗，第一個問嘅問題係「金屬鈉有冇爆炸？工廠有冇損失？羅秀明有冇傷咗？」
喺醫院嘅治療同埋搶救過程入面，向秀麗就表現得好猛。每次喺剝爛肉、植皮、輸血、注射，佢堅持到痛都狗咁滯嘅痛楚。雖然話醫院盡嗮力救佢，但係佢傷得太重就喺1959年1月15號死咗，終年25歲[1]。
詩句同題詞
編輯有老一代嘅無產階級革命家——董必武、陳毅、林伯渠呢啲同志重攞佢嚟作詩同埋題詞嚟紀念佢。林伯渠同志寫嘅詩話咗：
- 磊落光明向秀麗，
- 扶危定傾爭毫釐，
- 一身正比泰山重，
- 風格如斯世所師。
社會評價
編輯喺向秀麗死咗之後嘅第三日（1959年1月18號），中共廣州市中區委員會就辦咗隆重嘅追悼大會；廣州市人民政府重畀咗佢係革命烈士嘅稱號。而佢嘅墓係葬咗喺銀河革命公墓入面。佢嘅墓碑上面寫住嘅碑文係嗰時中國共產黨嘅歌功頌德政治用語。
向秀麗嘅救火事跡，重持續噉用咗喺出面，例如跳橡皮筋嗰陣嘅歌仔——「向秀麗，頂呱呱，雄雄烈火都唔怕，英勇犧牲為國家。」、京韻大鼓曲——「黨的好女兒向秀麗」[2]同埋部分同佢有關嘅員工培訓會入面[3]。
所謂帶有「秀麗」嘅命名
編輯馬路
編輯喺廣州嘅街頭嗰邊，由於文化大革命期間發生咗改名風波，其中恩寧路、下九路、上九路同埋大德路都係合埋一齊嗌咗「秀麗路」嘅名。其中恩寧路係秀麗一路、第十甫路係秀麗二路、下九路係秀麗三路、上九路係秀麗四路、而大德路係秀麗五路，不過到咗1981年就取消咗。
建築
編輯睇埋
編輯出面網頁
編輯攷
編輯- ↑ 〈向秀丽：一身正比泰山重〉。新华网。2009。喺2013-12-07搵到。（大陸簡體）
- ↑ 〈曲目介绍：党的好女儿向秀丽〉。中国文明网。2007-10-03。原著喺2020-03-16歸檔。喺2011-01-26搵到。
{{cite web}}: Cite has empty unknown parameter:|coauthors=(help)（大陸簡體） - ↑ 〈弘扬向秀丽精神，创优争先奋发向上〉。广州白云山制药股份有限公司网站。2011-01-12。原著喺2013-07-07歸檔。喺2011-01-26搵到。
{{cite web}}: Cite has empty unknown parameter:|coauthors=(help)（大陸簡體） - ↑ 〈用身體擋住火流——向秀麗〉。科技日報。2009-10-22。原著喺2020-09-08歸檔。喺2011-01-26搵到。
{{cite web}}: Cite has empty unknown parameter:|coauthors=(help)（臺灣正體）