吳詠寧
吳詠寧（粵拼：ng4 wing6 ning4；簡化字：吴咏宁；1991年3月3號—2017年11月8號），花名詠寧，係中國大陸嘅飛躍道發燒友，湖南長沙寧鄉人，2013年出道，曾經喺浙江金華東陽嘅橫店影視城做過群眾演員同埋武打演員，期間好少得到關注，直到2017年2月10號喺新浪微博發佈咗第一條同高樓有關嘅極限運動短片先至出名。後嚟佢喺上海同重慶、湖南長沙、湖北武漢、及浙江寧波啲高樓大廈頂啲崖广地方用自拍神棍拍出驚險鏡頭兼猛咁掟上網而引發關注。
| 吳詠寧 | |
|---|---|
 | |
| 原文名 | 吴咏宁 |
| 出世 | 1991年3月3號 中國湖南長沙寧鄉 |
| 死 | 2017年11月8號（26歲） 中國湖南長沙天心區 |
| 死因 | 高空墮樓 |
| 出名原因 | 成日喺高樓大廈頂啲崖广地方拍短片兼擺上網 |
生平 編輯
吳詠寧喺1991年3月3號喺湖南長沙寧鄉縣壩塘鎮出世，佢阿爸同阿媽都喺鄉下負責耕田，細個時開始學武術直到高中輟學為止。離開校園之後，佢先後去過工廠同大排檔打工，但佢阿爸喺2010年死咗之後，又孭住背囊去到浙江金華東陽嘅橫店影視城拍劇集嚟攢大錢。但佢凈靠拍抗日神劇為主，期間凈拍過《神雕俠侶》同《新雪豹》等呢啲劇集，扮嘅都係乞兒、鹹魚、大日本帝國軍官呢啲邊緣角色，期間一直冇乜人知佢拍過戲。
從2014年開始，佢成日玩新浪微博同網上短片，期間發佈過一系列同搞笑片有關嘅嘢，但重冇乜番薯關注同其他人去炒作。喺同年2月因為睇啱咗外國地區啲後生仔成日玩高樓挑戰啲嘢而決定搞返餐。最先喺直播平台上傳咗第一條短片——喺大廈10樓頂樓嘅外牆邊條欄杆踹電動踏板車，重喺短片寫埋「細路仔唔識世界」[註 1]呢啲字樣。直播短片擺上網之後，好快引起大量網友關注，甚至有網友睇到佢啲直播短片所為話佢「好崖广快走」[註 2]。得到大量關注之後，佢又將網名改做「極限-詠寧」，之後喺各大景區同上海、重慶、長沙、武漢同寧波啲地標建築、工地高空啲崖广地方做自拍行為。尤其喺火山小視頻嘅APP重引起大量關注同熱播，隨後亦有運動產品同食品類廣告、賣其它三教九流產品啲網友都搵埋佢搞代言。隨後佢喺2016年10月26號開咗佢嘅微信公眾號。
死 編輯
2017年11月8號未時，佢喺湖南長沙天心區近五一廣場站西南角嘅華遠·華中心嘅62樓頂樓玩高空驚險自拍時，唔小心從高空墮樓噠死咗，終年26歲。吳詠寧墮樓出事16個鐘之後先至俾清潔工發現，而佢嘅死訊喺第二日先至畀家屬知。吳詠寧嘅女友亦喺事發一個月後喺網上公佈佢嘅死訊。
後續 編輯
自從女友喺2017年12月8號喺網上公開咗吳詠寧喺一個月之前死咗嘅事之後，好快引起大量社會輿論。喺中國大陸，好多網上平臺猛咁講呢單嘢，甚至一度有人批評直播平臺應唔應該有乜個人保障責任或佢個人頭係唔係大過五層樓等一系列問題。三日之後，吳詠寧曾經喺快手同埋火山小視頻註冊過嘅戶口都俾管理員封咗兼刪嗮佢發佈過啲「崖广表演」短片，重話明從未同吳詠寧搞過任何簽約或合作、代言嘅計劃。
吳詠寧嘅家屬話好多個直播平臺未盡審查及監管義務而向法院起訴花椒直播嘅營運商——北京密境和風科技。北京互聯網法院喺2019年5月21號一審認定，吳詠寧本人孭晒主飛，花椒直播孭次飛，而花椒直播賠咗原告CNY￥3萬。北京市第四中級人民法院喺同年11月22號二審判定時維持原判[1]。
註 編輯
攷 編輯
- ↑ 〈「高空極限運動第一人」吳詠寧墜亡案二審：花椒直播賠3萬人民幣〉. 香港01. 原先內容歸檔喺2021-05-16. 喺2021-05-16搵到.
連出去 編輯
- 国内高空挑战第一人坠楼 警方:死者系11月8日坠亡 新浪 （2017-12-08）
- 高空极限挑战者吴咏宁坠亡敲警钟，专家吁尽快为户外攀爬立法 观察者 （2017-12-09）
- 拍高危片传为赚钱医病母警方证吴咏宁坠亡 on.cc東網 （2017-12-08）