鹹魚

  如果係講死人，請睇屍。

  提示：呢篇文講嘅唔係閒魚。

鹹魚，減筆咸魚，係用鹽醃同埋曬乾嘅魚，係一種漁民發明嘅食物，可以長期保存。古代叫做鮓，《說文.魚部》：「鮓，藏魚也。」鹹魚係自古代已出現嘅魚類醃製食物。以前糧食唔係咁豐富，漁民唔係時時都有好收穫，要望天打掛，二十世紀以前，亦都無雪櫃呢類低溫保鮮設備，肉類喺常溫下容易腐壞。因為咁，漁民會將捉多咗嘅魚放好多鹽醃，再曬乾，整成鹹魚，咁就可以保存好耐，留返無嘢食嗰陣時拎出來食。

曬鹹魚

以前鹹魚係窮人嘅食物，所以餐餐鹹魚送飯就係窮嘅象徵。不過慢慢鹹魚就多人識，所以就變咗做貴價餸。

鹹魚嘅種類非常多，大條魚或細條魚都可以用來醃製，例如鱈魚、馬友。

1980年代起，就有唔少醫學研究都講鹹魚同鼻咽癌有關，因為佢有致癌嘅亞硝胺。而廣東人食得多鹹魚，所以有鼻咽癌嘅人比其他地方多好多。因為呢個緣故，家下多咗人避忌呢種食物。

鹹魚同魚乾唔同。