周海媚
周海媚（英文名：Kathy Chau，1966年12月6號—），花名「海味」，原籍廣州，喺香港出世，係滿洲白旗嘅滿族人，以前係香港無綫電視部頭合約女藝員。
周海媚曾經喺麗澤小學同譚伯羽中學讀書，1985年參選香港小姐，落選之後簽約無綫電視做旗下藝員。佢拍過好多部劇，包括《義不容情》，亦推出過寫真集。
佢啱啱出道嗰陣，同呂良偉行得好埋，後來同黎明合作嗰陣又爆出緋聞，近年又話有同周家文拍拖，不過呢啲卒之係傳聞。
周海媚對眼曾經有1200度近視，2002年做咗激光矯視手術減少咗度數。佢前幾年塊面有一陣生咗瘡，啲傳媒傳佢生咗紅斑性狼瘡，亦有人話佢唔知響邊度食咗啲唔係幾啱嘅嘢先至搞成咁，而家好番晒。
佢呢幾年專注喺中國大陸拍劇同埋廣告，好少喺香港露面。